गोरखा । गोरखाका ११ स्थानीय तहले आर्थिक वर्ष २०८३-०८४ का लागि वार्षिक बजेट सार्वजनिक गरेका छन् ।
बुधबार रातिसम्म सार्वजनिक भएका बजेटमध्ये सबैभन्दा ठूलो आकारको बजेट गोरखा नगरपालिकाको र कम आकारको बजेट चुमनुब्री गाउँपालिकाको छ ।
गोरखाका अधिकांश स्थानीय तहले कृषि, शिक्षा, स्वास्थ्य, पूर्वाधार विकास तथा सेवा प्रवाहलाई प्राथमिकतामा राख्दै बजेट सार्वजनिक गरेका छन् ।
गोरखा नगरपालिकाले आगामी आर्थिक वर्षका लागि १ अर्ब ३ करोड २४ लाख ५० हजार रुपैयाँको बजेट सार्वजनिक गरेको हो । नगर उपप्रमुख मसली मायाँ थोकर पुनःले बजेट प्रस्तुत गर्दै स्थानीय जनताको आवश्यकता र अपेक्षालाई केन्द्रमा राखेर बजेट तयार गरिएको बताइन् ।
त्यसैगरी, पालुङटार नगरपालकिाले ७९ करोड ७९ लाख ७९ हजार रुपैयाँको बजेट सार्वजनिक गरेको छ । गाउँपालिका उपाध्यक्ष बन्दना पाण्डेका अनुसार बजेट विकास निर्माण र सेवा प्रवाहलाई प्राथमिकतामा राखेर तयार गरिएको हो ।
चुमनुब्री गाउँपालिकाले ४५ करोड ७९ लाख १६ हजार ८४० रुपैयाँको बजेट सार्वजनिक गरेको छ । गाउँपालिका उपाध्यक्ष लक्ष्मी गुरुङले बजेट सार्वजनिक गर्दै स्थानीय आवश्यकताअनुसार कार्यक्रम समेटिएको जानकारी दिइन् ।
धार्चे गाउँपालिकाले ४८ करोड ९२ लाख २९ हजार रुपैयाँको बजेट ल्याएको छ । गाउँपालिका उपाध्यक्ष सुनिला गुरुङले बजेट जनमुखी र विकासमुखी रहेको बताए ।
आरुघाट गाउँपालिकाले ५९ करोड २६ लाख ५५ हजार ६१७ रुपैयाँको बजेट सार्वजनिक गरेको छ । गाउँपालिका उपाध्यक्ष कल्पना नेपालीका अनुसार बजेटले आधारभूत सेवा र पूर्वाधार विकासलाई प्राथमिकता दिएको छ ।
भिमसेन थापा गाउँपालिकाले ५६ करोड ३८ लाख ४७ हजार ८३५ रुपैयाँ ६० पैसाको बजेट सार्वजनिक गरेको छ । गाउँपालिका उपाध्यक्ष अमृता देवी वस्ती (भट्ट)ले आवश्यकता र प्राथमिकताका आधारमा बजेट निर्माण गरिएको बताइन् ।
शहिदलखन गाउँपालिकाले ६३ करोड २६ लाख ८१ हजार रुपैयाँको बजेट ल्याएको छ । गाउँपालिका उपाध्यक्ष ईन्दिरा तिवारीले बजेटले सबै क्षेत्रलाई समेट्ने प्रयास गरेको बताईन ।
गण्डकी गाउँपालिकाले ६२ करोड २१ हजार ३५ रुपैयाँ २० पैसाको बजेट सार्वजनिक गरेको छ । गाउँपालिका उपाध्यक्ष ललिता अधिकारीले विकास र सेवा प्रवाहलाई केन्द्रमा राखेर बजेट निर्माण गरिएको बताइन् ।
सिरानचोक गाउँपालिकाले ६६ करोड ९३ लाख ७१६ रुपैयाँको बजेट सार्वजनिक गरेको छ । गाउँपालिका उपाध्यक्ष रिता देवकोटाका अनुसार बजेटले कृषि, शिक्षा र पूर्वाधार क्षेत्रलाई प्राथमिकता दिएको छ ।
त्यस्तैगरी, अजिरकोट गाउँपालिकाले आगामी आर्थिक वर्षका लागि ४६ करोड २८ हजार रुपैयाँको बजेट सार्वजनिक गरेको छ । गाउँपालिका उपाध्यक्ष अनिता भुजेलले बजेट विकास निर्माण र जनसेवा केन्द्रित रहेको बताइन् ।
उता बारपाक सुलिकोट गाउँपालिकाले आगामी आर्थिक बर्षका लागि ६६ करोड २८ लाख ६८ हजार रुपैयाँको बजेट सार्वजनिक गरेको छ । गाउँपालिका उपाध्यक्ष सनमायाँ गुरुङले बजेट विकास निर्माण र जनसेवा केन्द्रित रहदै कृषि, शिक्षा र पूर्वाधार क्षेत्रलाई प्राथमिकता दिएको बताईन ।
