गोरखा । आउदो शनिबार धावा स्वास्थ्य चौकीमा निःशुल्क स्वास्थ्य शिविर सञ्चालन हुने भएको छ ।
भिमसेन थापा गाउँपालिका र धावा स्वास्थ्य चौकीको समन्वय धावा स्वास्थ्य चौकीमा १ दिन निःशुल्क स्वास्थ्य शिविर हुन लागेको हो ।
संम्भव नेपाल काठमाडौंको आयोजना र त्रिवि शिक्षण अस्पताल महाराजगञ्जको प्राविधिक सहयोगमा महिलाहरुमा हुने रोग तथा विभिन्न भागमा हुने क्यान्सर सम्वन्धि रोगको निःशुल्क परिक्षण हुने सहजकता परशुराम पन्तले बताए ।
उनका अनुसार त्रिवि शिक्षण अस्पतालबाट आउने बिशेषज्ञहरुले शिविरमा महिलाहरुको परिक्षण गर्ने र आवश्यक सल्लाह, सुझाव र उपचारको लागि ब्यवस्था मिलाउने पनि उनले जानकारी दिए ।
शिविरमा जाँचका लागि आउने महिलाहरुलाई आवश्यक औषधी समेत निःशुल्क रुपमा प्रदान गरिने आयोजक सम्भव नेपालले जानकारी दिएको छ ।