गाेरखा । रेबिज संक्रमणबाट काठमाडौँको चन्द्रागिरि नगरपालिकाका १ जना पुरुषको ज्यान गएको छ ।
रेबिज संक्रमणपछि शुक्रराज ट्रपिकल तथा सरुवा रोग अस्पताल (टेकु) मा भर्ना भएका ४८ वर्षीय पुरूषको उपचारका क्रममा शनिबार ज्यान गएकाे अस्पताल प्रशासनले पुष्टी गरेकाे हो।
अस्पतालका मेडिकल रेकर्डर समीर अधिकारीका अनुसार ती व्यक्ति असार ५ गते भर्ना भएका थिए । त्यसको भोलिपल्ट उनको ज्यान गएको उनले जानकारी दिए ।
ती पुरुषले रेबिजविरुद्धको खोप (एआरभी) नलगाएको उनले बताए । लक्षणहरू देखिइसकेपछि रेबिजको मृत्युदर शतप्रतिशत हुने अधिकारी बताउँछन् ।
चिकित्सका अनुसार रेबिज भाइरसले घाँटी र सास फेर्ने नलीका मांसपेशीहरू एकदमै कडा हुन्छन् र खुम्चिन्छन् । केही निल्न खोज्दा वा पानी देख्दा मात्रै पनि घाँटीमा असह्य पीडा हुने भएकाले बिरामी पानीदेखि एकदमै डराउँछन् ।
रेबिज संक्रमण भएपछि शरीरका विभिन्न अंगहरूले काम गर्न छाड्छन् । त्यसपछि ज्यान जाने चिकित्सक बनाउँछन् ।
