गाेरखा । उदयपुरमा शैक्षिक भ्रमणका लागि हिडेको दिपज्योती एजुकेशन ईङिलस बोडिङ स्कुलको बस दुर्घटना हुंदा १ जनाको ज्यान गएको छ । ज्यान गुमाउनेकाे पहिचान खुल्न बाँकी रहेकाे छ । दुर्घटनामा परी ३२ जना घाईते भएका छन् ।
महोत्तरीको बर्दिवासबाट शैक्षिक भ्रमणको लागि गाईघाटतर्फ जाँदै गरेको उक्त बस उदपुर जिल्लाको उदपुरगढी गाउँपालिका–७ स्थित मदन भण्डारी लाकमार्ग अन्तर्गत अधेरी जोगीटोलमा आज बिहान दुर्घटनामा परेकाे हो ।
बसमा अभिभावक, शिक्षक र विद्यार्थी गरी ३५ जना सवार रहेकाे सशस्त्र प्रहरी बल नेपालका सशस्त्र प्रहरी नायब उपरिक्षक एवं सहप्रबक्ता शैलेन्द्र थापाले जानकारी दिए ।
दुर्घटना लगत्तै सशस्त्र प्रहरी बल नेपाल नं. ५ त्रियुगा गण उदयपुरबाट सशस्त्र प्रहरी निरीक्षकको कमाण्डमा उद्धार कार्यको लागि टोली खटिएको उनले जानकारी दिए ।
उद्धार पश्चात घाईतेहरुलाई उपचारको लागि जिल्ला अस्पताल उदयपुर पठाईएको छ । दुर्घटना लगत्तै सशस्त्र प्रहरी बल नेपाल नं. ५ त्रियुगा गण बाट उद्दार टोलि परिचालन गरिएको थियो ।
घाईते मध्ये गम्भिर घाईते भएका २ जनालाई थप उपचारको लागि विराटनगरतर्फ पठाईएको छ ।
