गाेरखा । राष्ट्रिय स्वतन्त्र पार्टी (रास्वपा) को केन्द्रीय समितिको बैठक आज चितवनमा बस्दैछ । भरतपुरस्थित सिएटी होटलमा दिउँसो १ बजे बैठक बस्न लागेकाे हाे ।
बैठकमा पार्टीको प्रथम महाधिवेशनको तयारी, केन्द्रीय सचिवालयबाट पारित विधान संशोधन प्रस्ताव तथा समसामयिक सङ्गठनात्मक विषयमा छलफल हुने छ ।
बैठकले महाधिवेशनका लागि आवश्यक तयारीको अन्तिम समीक्षा गर्दै विभिन्न प्रस्तावमाथि निर्णय गर्ने रास्वपाकाे सचिवालयले जानकारी दिएकाे छ ।
रास्वपाकाे भोलिदेखि चितवनमा आफ्नो प्रथम ऐतिहासिक महाधिवेशन सुरु हुदै छ । महाधिवेशनमा देशभरबाट प्रतिनिधि तथा पर्यवेक्षकहरू आउने क्रम सुरु भएकाे छ ।
महाधिवेशनमार्फत पार्टीको नयाँ नेतृत्व चयनसँगै भावी राजनीतिक कार्यदिशा र सङ्गठन विस्तारसम्बन्धी महत्वपूर्ण निर्णयहरू हुने रास्वपाले जनाएकाे छ ।