गोरखा । गोरखा सदरमुकाममा निर्माधिन गोरक्षनाथ आश्रम यसै बर्ष सञ्चालनमा आउने भएको छ ।
निर्माधिन उक्त आश्रम आउदो माघ वा फागुनमा सञ्चालनमा ल्याउने तयारी गरिएको गोरक्षनाथ अश्रामका अध्यक्ष होम सिं बस्न्यातले बताए ।
‘अहिलेसम्म आश्रमको संरचनाको ७० प्रतिशत काम सम्पन्न भई रहेको छ’ उनले भने ‘बाँकी काम तत्कालै सकेर माघ वा फागुन महिना भित्र सञ्चालनमा ल्याउछौ ।’
आश्रमको परिषमा अहिले गोरखानाथको मन्दिरको काम अन्तिम चरण पुगेको छ । शिखर शैलीमा निर्माण गरिएको मन्दिरमा मुर्ति राखेर प्राण प्रतिष्ठा गरेर सञ्चालनमा ल्याउने गरी काम भइरहेको अध्यक्ष बस्न्यातले जानकारी दिए ।
मन्दिर निर्माणमा सम्पन्न हुदासम्म करिब २ करोड रुपैयाँ खर्च हुने पनि उनले बताए । ‘हामीले स्थानिय, प्रदेश र संघ सरकार बाहेक अन्य ब्यत्ती तथा संघ संस्था संग नगद लिएका छैनौ । ब्यत्ती तथा संंघ संस्थाले भौतिक सामाग्री खरिद गरेर आश्रमलाई प्राप्त भएको छ’ उनले भने ।
अध्यक्ष बस्न्यातका अनुसार मन्दिर निर्माणका लागि ब्यत्ती तथा संघ संस्थाबाट सिमेन्ट, मुर्ति, जगुर तथा ईट्टा जस्ता सामाग्री प्राप्त भएको छ ।
मन्दिरको मुल द्वारमा हनुमानको मुर्ति राख्ने काम, आगनमा मार्वल ओछ्याउने, पूजारी बस्ने घर र चौरासी आसनका मुर्तिहरु राख्ने काम बाँकी रहेको छ । त्यस्तैगरी, मन्दिरसम्म पुग्ने सिडीको काम बाँकी रहेकाले केही महिना भित्रै काम सम्पन्न गरेर सञ्चालनमा ल्याउने अध्यक्ष बस्न्यातले बताए ।
गोरखा नगरपालिका–९ को आहाल डाँडा रहेको १ हजार ४१७ रोपनी धार्मिक बन मध्य आश्रम सञ्चालनको लागि ४१७ रोपनी जमिन भोगाधिकारको अधिकार पाएको छ ।
भोगाधिकार पाएको जमिन भित्र ध्यान केन्द्र, स्थानिय जातका गौशाला, धर्मशाला, प्रबचन कक्ष निर्माण हुने छ भने गुरुकुल समेत सञ्चालनमा ल्याउने गरी आश्रमले तयारी थालेको छ ।
आश्रम सञ्चालनको लागि राजधानीमा रहेको गोरक्षनाथ कल्याण केन्द्रको विशेष सहयोग समेत अध्यक्ष बस्न्यातले जानकारी दिए ।
