साँकेतिक तस्बिर
गोरखा । यो आर्थिक बर्षको ११ महिनामा गोरखा ट्राफिकले करिब साँढे ५ हजार सवारी साधानलाई कारवाही गरेको छ ।
०८२ साल साउनदेखी ०८३ साल जेठ मसान्तसम्ममा जिल्लाको विभिन्न स्थानमा गरी कुल ५ हजार ४८८ वटा सवारी साधन कारवाहीमा परेको जिल्ला ट्राफिक प्रहरी कार्यालय गोरखाका ईन्चार्ज प्रहरी नायब निरिक्षक सुरज अर्यालले जानकारी दिए ।
अर्यालका अनुसार उक्त अवधिमा सबैभन्दा धेरै २ पाँग्रे सवारी (मोटर साईकल) कारवाहीमा परेका छन् । ११ महिनामाको अवधिमा २ हजार ६३ वटा मोटरसाईक कारवाहीमा परेको पनि उनले बताए ।
सोही अवधिमा १ हजार १३५ वटा कार–जिप, १ हजार ६५ वटा ट्रक–टिपर, ७८७ वटा बस, ३६३ ट्याक्टर र अन्य ७५ वटा सवारी साधन कारवाहीमा परेका छन् ।
कारवाहीमा परेको मोटरसाईकलबाट १७ लाख १८ हजार, कार–जिवबाट ९ लाख ८८ हजार ५००, ट्रक–टिपरबाट १० लाख २५ हजार ५००, बसबाट ७ लाख ३३ हजार तथा ट्याक्टरबाट २ लाख ९४ हजार अन्य ७५ सवारी साधनबाट ५१ हजार ५०० गरी कुल ४८ लाख १० हजार ५०० रुपैयाँ राजश्व असुलि भएको कार्यालयले जानकारी दिएको छ ।
कारवाहीमा परेका मध्य ६६४ वटा सवारी साधनले सिट क्षमता भन्दा बढी यात्रु ओसारपसार गरेको कसुरमा कारवाहीमा परेको छ भने २३८ सवारीका सवारी चालकले सिट बेल्ट प्रयोग नगरेको आरोपमा कारवाहीमा परेका थिए ।
त्यस्तैगरी, प्रयोज विपरीक प्रयोग भएका ६५ सवारी, बढी भाडा असुल गर्ने १४, सवारी चालक अनुमती पत्र बिना सवारी चलाउने ३११ र लागु पदार्थ सेवन गरेर सवारी चलाउने ४ जनालाई समेत कार्यालयले कारवाही गरेको छ ।
सोही अवधिमा २२५ जनाले सवारी चलाउदा मादक पदार्थ सेवन गरेको पाइएकोले उनीहरुलाई पनि कारवाही गरिएको ईन्चार्ज अर्यालले जानकारी दिए ।
