गाेरखा । स्वर्गीय. पत्रकार वीरेन्द्रप्रसाद आचार्यको स्मृतिमा ‘वीरेन्द्र आचार्य स्मृति पत्रकारिता पुरस्कार’ स्थापना हुने भएको छ । आइतबार भएको नेपाल पत्रकार महासङ्घ कालीकोट शाखाको १६औँ वार्षिक साधारणसभा स्वर्गीय पत्रकार आचार्यको स्मृतिमा पत्रकारिता पुरस्कारकाे स्थापना गर्ने निर्णय गरेको हो ।
आचार्यले पत्रकारिता क्षेत्रमा पुर्याएको योगदानको कदर गर्दै शाखाका सदस्य स्वर्गीय आचार्यको स्मृतिमा ‘वीरेन्द्र आचार्य स्मृति पत्रकारिता पुरस्कार’ स्थापना गर्ने निर्णय भएको नेपाल पत्रकार महासङ्घ कालीकोटका अध्यक्ष भरतराज विष्टले बताए । “स्वर्गीय पत्रकार आचार्यको स्मृतिमा पत्रकारिता पुरुस्कारको स्थापना गरिएको छ”, उनले भने, “उहाँको स्मृतिमा प्रत्येक वर्ष पत्रकारिता क्षेत्रमा लागेका एक जना पत्रकारलाई सम्मान गरिनेछ ।”
पत्रकार आचार्यको गत मङ्सिर १२ गते सुर्खेतको वीरेन्द्रनगर नगरपालिका–२ स्थित भुरेलीमा सवारी दुर्घटनामा निधन भएको थियो । आचार्य कालीकोटको खाडाँचक्र नगरपालिका–३ ताडीमा रहेको रेडियो तिला आवाजका सञ्चालक तथा प्रेस सेन्टर कालीकोटका अध्यक्ष थिए ।
