गाेरखा । गएकाे २७ गते राती गाेरखा बजारकाे छिपीटाेलमा भएकाे कुटपिटमा संलग्न भएकाे आराेपमा गाेरखा प्रहरील आज बिहानै ४ जनालाई पक्राउ गर्न सफल भएकाे छ ।
पक्राउ पर्नेम गोरखा नगरपालिका-७ रोटेपानी बस्ने बर्ष २४ को वोनस शाक्य, धार्चे गाउँपालिका-२ केरौजा घर भई हाल गोरखा नगरपालिका-८ बगैचा बस्ने वर्ष २३ को मिङमर गुरुङ, सिरानचोक गाउँपालिका-२ थालाजुङ बस्ने बर्ष २९ को होमराज गुरुङ र धार्चे गाउँपालिका-१ हुलचुक बस्ने बर्ष २४ को सन्तोष गुरुङ भएकाे गाेरखा प्रहरीले पुष्टी गरेकाे हाे ।
पक्राउ परेकाहरुले जेठ २७ गते मध्य रातमा वारपाक सुलिकोट गाउँपालिका-३ बस्ने बर्ष ३२ को सन्त वहादुर गुरुङलाई निर्घात कुटपिट गरेका थिए । लात, मुक्का तथा ढुंगा समेतले टाउकोमा प्रहार गरी गंभिर घाईते भएका गुरुङकाे हिजाे साँझ उपचारकाे क्रममा गाेरखा अस्पतालमा ज्यान गएकाे थियाे ।
घटनामा संलग्नहरुलाई पक्राउ गर्ने गाेरखा प्रहरीले हिजैदेखी विशेष प्रहरी परिचालन गरेकाे थियाे । पक्राउ परेका बिरुद्व आउदाे साेमबार जिल्ला अदालतमा पेश गर्ने तयारी प्रहरीले गरेकाे छ ।
