एजेन्सी। इरान र संयुक्त राज्य अमेरिकाबीच जारी सैन्य तनाव अन्त्यका लागि एउटा ऐतिहासिक सम्झौता हुने तयारी अन्तिम चरणमा पुगेको छ । यस सम्झौतासँगै विश्वकै रणनीतिक महत्त्वको स्ट्रेट अफ हर्मुज पुनः सञ्चालनमा आउने इरानले जनाएको छ ।

इरानी विदेशमन्त्री सैयद अब्बास अराघचीले सरकारी टेलिभिजनसँग कुरा गर्दै अमेरिकासँगको सम्झौतामा इरानमाथि लगाइएको अमेरिकी नाकाबन्दी हटाउने विषय समावेश रहेको बताए । अराघचीका अनुसार, हर्मुज जलमार्ग खुला गर्ने र सैन्य तनाव कम गर्ने सहमति भए पनि इरानको आणविक कार्यक्रमका बारेमा भने पछिल्लो चरणमा मात्र वार्ता हुनेछ ।

अमेरिकी अधिकारीहरूले पनि सम्झौताका केही विवरणहरूको पुष्टि गरेका छन् । उनीहरूले इरानले आफ्ना प्रतिबद्धताहरू पूरा गरेमा मात्र आर्थिक लाभ र नाकाबन्दी हटाउने प्रक्रिया अघि बढ्ने बताएका छन् ।

यो तनाव गत फेब्रुअरी २८ मा अमेरिका र इजरायलले इरानमाथि गरेको आक्रमणबाट सुरु भएको थियो। त्यसको जवाफमा इरानले इजरायल र खाडी क्षेत्रमा रहेका अमेरिकी सहयोगी राष्ट्रहरूमाथि आक्रमण गरेको थियो। सोही क्रममा इरानले विश्वको तेल र ग्यास ढुवानीका लागि अत्यन्तै महत्त्वपूर्ण मानिने हर्मुज जलमार्ग बन्द गरिदिएको थियो, जसले विश्व बजारमा ठुलो हलचल ल्याएको थियो ।

लेखकबाट थप:

• सुन ताेलामा ४८ सयले घट्याे
• आज कुशे औँसी
• नेपाल राष्ट्र बैंकले शुक्रबारकाे लागि निर्धारण गरेकाे विदेशी मुद्राको विनिमयदर
• चितवनमा इभी कारमा आगलागी, चालकको मृत्यु, पहिचान हुन सकेन
• आजकाे माैसम : देशभर मनसुनी वायुको प्रभाव कायमै, केही स्थानमा भारी वर्षाको सम्भावना