गाेरखा । स्थानीय तहले आर्थिक वर्ष २०८३/८४ का लागि सङ्घीय सरकारबाट ४ अर्बभन्दा बढी अनुदान पाउने भएका छन् । जिल्लास्थित ११ स्थानीय तहका लागि अर्थ मन्त्रालयले ४ अर्ब ७१ करोड ४५ लाख विनियोजन गरेको हो ।
सबैभन्दा बढी गाेरखा नगरपालिकाले र सबैभन्दा कम चुमनुब्री गाउँपालिकालाई बजेट विनियोजन गरिएको छ ।
गाेरखा नगरपालिकालाई ६५ करोड ३७ लाख विनियोजन गरिएको छ भने चुमनुब्री गाउँ पालिकाले २१ कराेड १० लाख अनुदान पाएकाे छ ।
पालुङटार नगरपालिकाले ५४ कराेड ४ लाख पाउदा सिरानचाेक गाउँ पालिकाले ४८ कराेड ५७ लाख रुपैयाँ पाएकाे छ ।
त्यस्तै गरी, गण्डकी गाउँ पालिकाले ४४ कराेड ९५ लाख अनुदान पाएकाे छ । यता बारपाक सुलिकाेट गाउँ पालिकाले ४४ कराेड ७४ लाख पाउदा आरुघाट गाउँपालिकाले भने ४३ कराेड ९० लाख रुपैयाँ पाएकाे छ ।
शहिदलखन गाउँ पालिकाले ४३ कराेड ३८ लाख, भिमसेन थापा गाउँ पालिकाले ४२ कराेड ३२ लाख, अजिरकाेट गाउँ पालिकाले ३२ कराेड १६ लाख पाउदा धार्चेले भने ३० कराेड ९२ लाख रुपैयाँ पाएकाे छ ।
