गोरखा । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले मुलुक स्थिरताको बाटोमा अझै नआएको बताएका छन् ।
राष्ट्रिय प्रजातन्त्र पार्टी गोरखाको ११ औँ जिल्ला अधिवेशनलाई आज सदरमुकाममा सम्बोधन गदै उनले कुनै एउटा राजनीतिक दलले एउटा चुनाव जित्दैमा र अरुले हार्दैमा देशको समस्या समाधान नहुने बताए । ‘‘मुलक अझै पनि ठिक बाटो आइसकेको छैन्, उनले भने, एउटा राजनीतिक दलले चुनाव जित्दैमा र अन्य राजनीतिक दलहरुले चुनाव हार्दैमा देशको राजनीति स्थिर भएर जान्छ भन्ने कुरा गलत हो ।’’
‘‘यसपटकको चुनावमा न गाउँमा जन्ती मलामी हिडेका आधारले काम गर्यो, न त विकास गरेकै आधारले काम गर्यो, उनले भने, ‘न संगठन वा राजनीतिक दर्शनले काम गर्यो, एउटा विशेष परिस्थित जुन निर्माण भयो यसबाट शिक्षा लिएर हामी अघि बढ्छौ ।’’
उनले भर्खरै निर्वाचनमा पराजय व्यहोरेका दलले बहुमत प्राप्त दलप्रति अहिले नै प्रतिक्रिया दिने बेला भइनसकेको भएपनि पछिल्लो क्रियाकलापले सकारात्मक सन्देश नदिएको उल्लेख गरे ।
अध्यक्ष लिङ्देनले २०४६ पछिका पुराना राजनीतिक दलहरुले मुलुकलाई विकल्पहिन अवस्थामा पुर्याएकाले २०८२ भदौँ २३ र २४ गएकोे जनतालाई सडकमा आउन बाध्य बनाएको वताए ।