गाेरखा । नेपाली कांग्रेसले बारा जिल्ला सभापति राजेश राय यादवलाई पदबाट निलम्बन गरेको छ । यादवसहित १६ जनाको नाम कारबाहीका लागि केन्द्रसमक्ष सिफारिस भएको थियो ।
गत फागुन २१ मा समपन्न निर्वाचनमा पार्टीको आधिकारिक उम्मेदवारलाई निर्वाचनमा हराउन लागेको भनी नेपाली कांग्रेस केन्द्रीय अनुशासन समितिमा यादवविरुद्ध उजुरी परेको थियो ।
बिहीबार बसेको केन्द्रीय अनुशासन समितिको बैठकले उनलाई अनुशासन उल्लघंन गरेको कसुरमा अन्तिम निर्णय नहुन्जेल सम्मका लागि निलम्बन गरेको नेपाली काँग्रेसले जनाउकाे छ ।
विधान, २०१७ (संशोधन सहित) को धारा ३४ (८) (ङ) तथा ऐ. नियमावली, २०७६ को नियम २८ (३) बमोजिम उनलाई कारबाही गरिएको पार्टीले जनाइएको छ ।
उनलाई वैशाख ३० गते पाँच दिने स्पष्टीकरण पनि सोधिएको थियो । उनले उक्त स्पष्टीकरण नबुझाएपछि पुन: जेठ १२ गते पार्टीले अर्को स्पष्टीकरण सोधेको थियो ।
दाेस्राे पटक पनि कुनै जवाफ नदिएपछि निलम्बन गरिएको हाे ।
