फाईल तस्बिर
एजेन्सी । रुसले युक्रेनका विभिन्न शहरमा गरेको व्यापक हवाई आक्रमणमा कम्तीमा २२ जनाको ज्यान गएको छ । साेही आक्रमणमा परी कम्तीमा पनि १३८ जना घाइते भएका छन् ।
सयौँ ड्रोन र दर्जनौँ क्षेप्यास्त्र प्रयोग गरी गरिएको आक्रमणले राजधानी किएभसहित मध्य र पूर्वी युक्रेनका धेरै शहरमा ठूलो जनधनको क्षति भएको समाचार संस्था एपीले जनाएको छ ।
युक्रेनी अधिकारीकारअनुसार डिनिप्रोमा १६ जना तथा राजधानी किएभमा ६ जनाले ज्यान गुमाएका छन् । विस्फोटका कारण अपार्टमेन्ट क्षतिग्रस्त भएका छन् र धेरै क्षेत्रमा खोज तथा उद्धार कार्य भइरहेको छ ।
युक्रेनी वायु सेनाका अनुसार रुसले कुल ७३ वटा क्षेप्यास्त्र र ६५६ वटा ड्रोन प्रहार गरेको थियो । तीमध्ये ४० वटा क्षेप्यास्त्र र ६०२ वटा ड्रोन नष्ट वा निष्क्रिय पारिएको दाबी युक्रेनको छ ।
युक्रेनी राष्ट्रपति भोलोदिमर जेलेन्स्कीले थप अन्तर्राष्ट्रिय समर्थनको अपिल गरेका छन् ।