गाेरखा । भारत सरकारले गोरखासहित ८ जिल्लामा १४ विद्यालय भवन निर्माण गर्ने भएकाे छ । भारतको अनुदानमा ८ जिल्लामा १४ विद्यालय भवन निर्माण हुन लागेकाे हाे ।
भारतीय राजदूतावासका अनुसार विद्यालयहरु नेपाल सरकारको भूकम्प प्रतिरोधी पुनर्निर्माण सम्बन्धी मापदण्ड बमोजिम निर्माण गरिने गरी निर्माण कम्पनी संग सम्झाैता समेत भएकाे छ ।
शिक्षा तथा खेलकुद मन्त्रालयअन्तर्गतको केन्द्रीय आयोजना कार्यान्वयन इकाईले गोरखा, नुवाकोट, धादिङ, दोलखा, काठमाडौं, काभ्रेपलाञ्चोक, रामेछाप र सिन्धुपाल्चोक जिल्लामा १४ विद्यालय भवन निर्माण गरिने छ ।
नेपालमा सञ्चालित भारत सरकारको भूकम्पपछिको पुनर्निर्माण सहायताकै हिस्साको रुपमा ५६ करोड २ लाख अनुदान सहयोगमा ति विद्यालयका भवन निर्माण गर्न लागिएको भारतीय राजदूतावासले जनाएको छ।