एजेन्सी । इरानका राष्ट्रपति मसउद पेजेशकियानले कूटनीतिक समाधानका लागि ‘सबै बाटा अझै खुला’ रहेको बताएका छन् । तर उनले दबाब र बल प्रयोगद्वारा इरानलाई झुकाउन खोज्नु ‘केवल भ्रम’ मात्र भएको चेतावनी दिएका छन् ।
अल जजिराका अनुसार पेजेशकियानले भने, ‘हाम्रो पक्षबाट कूटनीतिक समाधानका सबै मार्ग खुला छन्, तर दबाबमार्फत इरानलाई आत्मसमर्पण गराउन सकिन्छ भन्ने सोच केवल भ्रम मात्र हो ।’
यसैबीच, इजरायलका अतिदक्षिणपन्थी राष्ट्रिय सुरक्षा मन्त्री इतामार बेन–गभिरले गाजा सहायता जलयात्राका अपहरणमा परेका अभियन्ताहरूलाई इजरायली जेल सुरक्षाकर्मीले दुव्र्यवहार गरिरहेको भिडियो सार्वजनिक गरेपछि विश्वव्यापी आलोचना बढेको छ । उक्त भिडियोमा बेन–गभिरले बन्दी बनाइएका अभियन्ताहरूको खिल्ली उडाएको देखिन्छ ।
उता, इरानले फारसी खाडीस्थित होर्मुज जलमार्ग क्षेत्रमा नयाँ “सुपरभिजन एरिया” स्थापना गरेको घोषणा गरेको छ । इरानको नयाँ Persian Gulf Strait Authority ले जारी गरेको सूचनाअनुसार अब सो क्षेत्रमा आवतजावत गर्न अनुमति अनिवार्य हुनेछ ।
प्राधिकरणले चेतावनी दिँदै भनेको छ, ‘अनुमतिबिना गरिने आवागमनलाई अवैध मानिनेछ ।’
