गाेरखा । गाेरखा सदरमुकाममा हिजाे राती मादक पदार्थ सेवन गरेर सवारी चलाउदा सवारी दुर्घटनामा परेकाे छ ।
जिल्ला प्रहरी कार्यालय गाेरखाले दिएकाे जानकारी अनुसार राती ८:१० बजेकाे समयमा गाेरखा नगरपालिका-६ काे पुरानाे बसपार्कमा दुर्घटनामा परेकाे हाे ।
बा.प्र ०१-००६ ख ७९०९ नं. को EV माईक्रोले ठक्कर दिदा वाटर फाउन्डेसन क्षति पुगेकाे छ भने साेही माईक्राे ठक्कर दिदा पार्किङ गरेर राखेको ग १ ज ६९७४ नं. को ट्याक्सीमा समेत क्षती पुगेकाे छ ।
ठक्कर दिने माईक्राेमा समेत ड्राईभरकाे साईडमा क्षती पुगेकाे गाेरखा प्रहरीले जनाएकाे छ ।
सवारी चलाउने चालक गोरखा नगरपालिका-९ ठिमुरेश्वारा बस्ने बर्ष २३ का सुदिन पाण्डेलाई प्रहरीले तत्कालै नियन्त्रणमा लिएकाे र उनकाे मापसे चेक जाँचका क्रममा मापसे देखिएकाे पनि गाेरखा प्रहरीले जानकारी दिएकाे छ ।
साेही सवारीका सहचालक काठमाडाै शंखरापुर नगरपालिका-९ साघुँ बस्ने बर्ष २६ का सन्दिप सिप भक्तीलाई पनि प्रहरीले हिजै राती नियन्त्रणमा लिएकाे छ ।
दुर्घटनामा कुनै पनि मानविय क्षति नभएको प्रहरीले जनाएकाे छ । घटनाका बिषयमा अनुसन्धान सुरु गरेकाे पनि प्रहरीले जानकारी दिएकाे छ ।
