गाेरखा । गोरखा सम्पदा संरक्षण तथा पर्यटन प्रबर्धन समितिकाे संयोजकत्वमा डा. लोक भट्टराई सर्वसम्मत चयन भएका छन् । सराेकारवालाहरुकाे गाेरखा सदरमुकाममा भएकाे भेलाले भट्टराईलाई संयाेजकमा सर्वसम्मत रुपमा चयन गरेकाे हाे ।
जिल्लाकाे ऐतिहासिक, धार्मिक, एबम प्राकृतिक सुन्दरताकाे लागि पर्यटन प्रबर्धन गर्ने उद्देश्य सहित समिति बनाइएकाे संयाेजक भट्टराई बताए । ‘हाम्राे जिल्लामा व्यापक पर्यटकीय सम्भाव्यता छ, उनले भने ‘त्यस दिशामा ठोस काम हुन नसक्दा सर्वसाधारण जनताले फाईदा लिन नसकेकाेले त्यसैमा काम गर्ने गरी समिति गठन गरीएकाे हाे ।’
समितिले अब नयाँ ढंगबाट काम गर्ने भेला आयोजना गरिएको र त्यही भेलाले समिति गठन गरेकाे पनि उनले बताए ।
भेलामा सहभागीहरुले गोरखाको पर्यटन बिकासमा रहेका अप्ठ्याराहरु र आगामी दिनमा गर्नु पर्ने कामका बारे व्यापक र सघन छलफल गरेकाे थियो । कार्यक्रममा अन्तरराष्ट्रिय अनुभवहरु, नेपालको पर्यटनको समस्या र सम्भावना, गोरखाले छिमेकी बन्दीपुर एबम पोखराबाट सिक्नु पर्ने कुराहरुको बारे पर्यटन बिज्ञ समेत रहेका डा.भट्टराईले एक कार्यपत्र समेत प्रस्तुति गरेका थिए ।
समितिले आगामी दिनमा गोरखाको पर्यटन बिकासमा ठोस ढंगले काम गर्ने उद्ध्येश्यले डा.भट्टराईकाे संयोजक ७ सदस्य समिति चयन भएका छन् ।
जसमा गोरखा च्याम्बर, गोरखा उद्योग बाणिज्य संघ, गोरखा होटेल एसोसिएसन, ऐतिहासिक संरक्षण समिति, लोकल टुरिस्ट गाईडका अध्यक्षहरु एबम गोरखा नगरपालिका-६ का वडाध्यक्ष समेत समितिमा चयन भएका छन् ।
उक्त भेला तथा नब गठित समितिले गोरखामा पर्यटन प्रबर्धनका लागि महत्वपूर्ण रहेको गोरखा दरबार एबम गोरखा संग्रहालयको ब्यबस्थापनमा स्थानीय सहभागिता सुनिस्चित हुने गरि अधिकार सम्पन्न समिति गठन गर्न अनुरोध गर्दै प्रधानमन्त्रीलाई बुझाउने गरि हस्ताक्षर संकलन गरेको पनि जनाएको छ ।
भेलामा स्थानीय ब्यापारी, उद्योगी, पर्यटन/होटेल ब्यबसायी, बिज्ञ, बुद्धिजीवी, समाजसेवी, एबम जनप्रतिनिधिहरुको सहभागिता रहेको थियो ।
