एजेन्सी । मुम्बईबाट एउटा स्तब्ध पार्ने र डरलाग्दो खबर बाहिर आएको छ । खरबुजा खाएपछि एउटै परिवारका ४ जनाको ज्यान गएकाे घटना सार्वजनिक भएको हाे ।
रिपोर्टका अनुसार परिवारका सदस्यले साँझ बिरयानी खाएका थिए । त्यसपछि घरमै भएको खरबुजा खाए । केही घण्टाभित्रै सबैले गम्भीर बान्ता गर्न थाले ।
केही बेरमा नै पखाला पनि सुरु भयो । जब अवस्था बिग्रियो, उनीहरूलाई अस्पताल लगियो, तर अस्तापलले उपचारकाे क्रममा कसैलाई पनि बचाउन सकिएन ।
यो घटनाले एउटा प्रमुख प्रश्न उठाएको छ– के गर्मीयामको अमृत मानिने खरबुजा घातक हुन सक्छ ? यसले ज्यानै जानेगरी गम्भीर खाद्य विषाक्तता निम्त्याउन सक्छ ?
खरबुजा कसरी विषाक्त हुन्छ ?
खरबुजामा खतरा फल भित्रै होइन, तर यसको बाह्य वातावरण र भण्डारण गरेको तरिकामा हुन्छ । खरबुजा जमिनमा उम्रन्छ, जसले यसको बाहिरी तह माटो, फोहोर पानी र विभिन्न कीटाणुहरूको सम्पर्कमा आएको हुन्छ । साल्मोनेला, ई कोलाई र लिस्टेरियाजस्ता हानिकारक ब्याक्टेरिया यस फलको सतहमा टाँसिएको हुन सक्छ ।
जब हामी खरबुजालाई फोहोर चक्कुले वा नधोई काट्छौँ, यी ब्याक्टेरियाहरू बोक्राबाट फलको भित्री भागमा छिर्छन् । खरबूजमा पानीको मात्रा धेरै हुन्छ । १ पटक काटेपछि पानी र गर्मीले यी ब्याक्टेरियाहरूलाई द्रुत रूपमा फैलिन मद्दत गर्छन् ।
खरबुजा खाँदा हुने फुड पोइजनिङका लक्षणहरू :
–पखाला र बान्ता हुन्छ
–गम्भीर पेट दुखाइ र ऐंठन
–ज्वरो र कमजोरी
