गोरखा । आजदेखी गोरखा सदरमुकाममा नयाँ बर्षको अवसर पारेर तेस्रो रैथाने खाना तथा सडक महोत्सव सुरु भएको छ । गोरखा होटल संघको आयोजनामा आज र भाेली महोत्सवकाे आयाेजना गरेकाे ।
महोत्सव सुरु हुनु पूर्व गाेरखा बजारकाे खेलकुद मैदानबाट विभिन्न जात जातीकाे र्याली गरिएकाे थियाे । र्याली खेलकुद मैदानबाट कालिमाटी बजार-शक्तिचाेक-बैंक राेड-पुरानाे बसपार्क-पदेली-ठूलाे आँगन हुदै रानी पाेखरीमा प्रवेश गरेकाे थियाे ।
जिल्लाको ऐतिहासिक, धार्मिक, साँस्कृतिक साथै पर्यटन विकासमा टेवा पुर्याउने र गोरखाको स्थानिय उत्पादनको ब्यापार प्रवद्र्वन गर्न महोत्सवको आयोजना गरीएको आयाेजकले जनाएकाे छ ।
यो महोत्सव रैथाने खाना तथा सडक महोत्सवको तेस्रो संकरण हो । यस अघि संघले २ पटकसम्म महोत्सवको आयोजना गरिसकेको छ ।
गोरखा बजारको रानी पोखरी परिषरका साथै पुस्करतिर्थ क्षेत्र तथा ठूलो आँगनसम्म सडकमा खानाका स्टलहरु राखिएका छन् ।
नयाँ बर्ष मनाउने जिल्ला बाहिर जाने प्रवृत्तिको अन्त्य तथा बाहिरी जिल्लाबाट पनि नयाँ बर्ष मनाउन आउनेहरुलाई यो महोत्सवले आकर्षण दिने संघले विश्वास लिएको छ ।
रैथाने खानाको १५ स्टल रहकाे र २ दिनमा १० हजार मानिसहरुको सहभागिता रहने अनुमान गरेको संघले गरेकाे छ ।
२ दिनसम्म चल्ने महोत्सवमा विभिन्न कलाकारको प्रस्तुती हुने तथा नृत्य प्रतियोगिता समेत रहेको संघले जनाएको छ । आज भने रातकाे १ बजेसम्म महाेत्सव हुने आयाेजकले जनाएकाे छ ।