गाेरखा । भारतीय संगीतकी महान् गायिका आशा भोसलेको ९२ वर्षको उमेरमा निधन भएको छ ।
केही महिनादेखि अस्वस्थ रहेकी उनलाई शनिबार मुटु र श्वासप्रश्वाससम्बन्धी समस्या देखिएपछि मुम्बईस्थित ब्रिच क्यान्डी अस्पतालमा भर्ना गरिएको थियो । गम्भीर अवस्थामा अस्पताल लगिएकी उनलाई शनिबार राति आईसीयूमा राखेर उपचार भइरहेको थियो ।
७ दशकभन्दा लामो संगीत यात्रामा उनले हजारौँ गीत गाएर भारतीय मात्र होइन, विश्व संगीतमा समेत गहिरो प्रभाव छोडेकी थिइन् । उनका गीतहरू पुस्तौँसम्म लोकप्रिय रहँदै आएका छन् । उनले नेपालमा चर्चित गितहरु पनि गायका छन् ।
उनको निधनसँगै भारतीय संगीतले एउटा महत्वपूर्ण युग गुमाएको छ । गायिका भोसलेको निधनको खबर उनका छोरा आनन्दले आइतबार दिउँसो पुष्टि गरेका छन् । भारतीय संचारमाध्यमले पनि उनको निधनको खबर लेखेका छन् ।
उनले साउने झरीमा, बसन्त नै बस्न खोज्छ यहाँ, मोहनी लाग्ला है, पहाडको माथि माथि, को होला मेरो मायालु, आज हाम्रो भेट भाको दिन, माया त माया हो, गैरी खेतको शिरै हान्यो, यति धेरै माया दियौ र टाढा भै नदेउ फेरि जस्ता कालजयी गितहरुका गायका छन् ।
उनको अन्त्येष्टि भोलि सोमबार गरिने परिवारले जनाएको छ ।