गोरखा । हालै सम्पन्न प्रतिनिधी सभा निर्वाचनमा उम्मेदवार भएका गोरखाका सबैले खर्च विवरण पेश गरेका छन् ।

गोरखाको दुवै क्षेत्रमा उम्मेदवारी दिएका स्वतन्त्रदेखी पार्टीका उम्मेदवारहरुले खर्च विवरण पेश गरेको जिल्ला निर्वाचन कार्यालयका सूचना अधिकारी रविलाल सुवेदीले बताए ।

उनका अनुसार पार्टीले नै खर्च गरेका उम्मेदवारका हकमा शुन्य खर्च विवरण पेश गरेका छन् भने उम्मेदवार आफैले गरेको खर्च भने ३१ लाख भन्दा बढी खर्च भएको विवरण प्राप्त भएको हो ।

कार्यालयले उपलब्ध गराएको विवरण अनुसार नेपाल मजदुर किसान पार्टीका मनकुमारी श्रेष्ठ र हरीशरण बुढाथोकीले शुन्य खर्च पेश गरेका हुन् ।

पार्टी बाहेक उम्मेदवारहरुले गरेको खर्च विवरण भने उच्च देखिएको छ । जहाँ नेपाली काँग्रेसका क्षेत्र नम्बर १ का उम्मेदवार प्रेमकुमार खत्रीले ३१ लाख २७ हजार ८८५ रुपैयाँ खर्च भएको विवरण पेश गरेका छन् भने क्षेत्र नम्बर २ का उम्मेदवार प्रकाश चन्द्र दवाडीले २२ लाख ५५ हजार ७२५ रुपैयाँ खर्च गरेको विवरण पेश गरेका छन् ।

निर्वाचन आयोगले प्रत्यक्ष निर्वाचन प्रणाली अन्तरर्गत निर्वाचन परिणाम सार्वजनिक भएको ३० दिन भित्र उम्मेदवारहरुले खर्च विवरण पेश गर्न भनेको थियो । सोही बमोजिम गोरखाका सबै उम्मेदवाहरुले समय सिमा भित्रै निर्वाचन खर्च विवरण पेश गरेका हुन् ।

कसले कती खर्च गरे हेरौं :

१) मिलन गुरुङ १३ लाख ७७ हजार ८९० रुपैयाँ
२) प्रकाश चन्द्र दवाडी २२ लाख ५५ हजार ७२५ रुपैयाँ
३) जित बहादुर घले ३ लाख ५५ हजार रुपैयाँ
४) बलाराम तामाङ २ लाख १९ हजार २० रुपैयाँ
५) चुडा प्रसाद ढकाल ५७ हजार रुपैयाँ
६) कुल बहादुर बस्नेत १ लाख ४९ हजार ९५० रुपैयाँ
७) हरिराज अधिकारी २३ लाख २१ हजार रुपैयाँ
८) रामकाजी राना मगर १० लाख ४० हजार रुपैयाँ
९) देव बहादुर थापा २ लाख ९८ हजार ८८० रुपैयाँ
१०) प्रेम कुमार खत्री ३१ लाख २७ हजार ८८५ रुपैयाँ
११) राम चन्द्र लामिछाने १५ लाख ८० हजार रुपैयाँ
१२) केदार मणी खनाल ७ लाख १५ हजार रुपैयाँ
१३) लेखनाथ न्यौपाने २४ लाख ५ हजार २८० रुपैयाँ
१४) सुधन गुरुङ २१ लाख ८६ हजार ६६८ रुपैयाँ
१५) विण्णु प्रसाद रिजाल २ लाख ६७ हजार ९९० रुपैयाँ
१६) टेक बहादुर प्रधान ३ लाख ६६ हजार ५०० रुपैयाँ
१७) सोम बहादुर गुरुङ १ लाख १ हजार रुपैयाँ
१८) कबिता भट्टराई १ लाख ५० हजार रुपैयाँ
१९) आकाश राना मगर ४१ हजार ४०० रुपैयाँ
२०) प्रसाद गुरुङ ३३ हजार ४०० रुपैयाँ
२१) मन कुमारी श्रेष्ठ (शुन्य खर्च)
२२) कल्पना कुमाल ६२ हजार ५०० रुपैयाँ
२३) कबिन्द्र बुर्लाकोटी २१ लाख १९ हजार ५३३ रुपैयाँ
२४) हरी शरण बुढाथोकी (शुन्य खर्च)
२५) हरी पोखरेल २ लाख ३५ हजार रुपैयाँ

लेखकबाट थप:

• सुन तोलामा ४३ सयले घट्याे
• साहित्य र चलचित्रका २ साधकलाई ‘दाहाल यज्ञनिधि पुरस्कार’
• असार मसान्तसम्म खपत भएको बिजुलीमा भ्याट नलाग्ने
• नेपाल राष्ट्र बैंकले मंगलबारकाे लागि निर्धारण गरेकाे विदेशी मुद्राको विनिमयदर
• आजकाे माैसम : बागमती, गण्डकी र कर्णालीमा भारी वर्षाको सम्भावना