गाेरखा । चैत महिनाको २३ दिनमा २३ स्थानमा बर्डफ्लु रोग देखिएको छ । पशु सेवा विभागका अनुसार चैतमा मात्र २३ ठाउँमा बर्डफ्लु रोग देखिएको हाे ।
चैत अगाडि याे वर्ष देशकाे कुनै पनि स्थानमा बर्डफ्लु देखिएको थिएन । चैत ६ गते मोरङ जिल्लाको सुन्दरहरैचा र उर्लाबारी नगरपालिकामा एकै साथ २ स्थानमा बर्डफ्लु देखिए पछी अहिले याे राेगले अरु स्थान समेत ओगटेकाे छ ।
त्यसपछी सुनसरीकाे १२ स्थानमा, मोरङकाे ७ स्थान, झापाकाे २ स्थान, चितवनकाे १ ठाउँ र काठमाडौँकाे १ स्थानमा बर्डफ्लु रोग देखिएको छ । विभागले बर्डफ्लु देखिएको स्थानलाई नियन्त्रणमा लिई फैलिन राेग फैलन नदेखिएको जनाएकाे छ ।
ती स्थानहरुबाट १ लाख ४ हजार कुखुरा एवं हाँस नष्ट गरिएको पनि विभागले जनाएकाे छ । काठमाडौँको त्रिभुवन विश्वविद्यालय परिसरका कागमा समेत बर्डफ्लु देखिएको थियो ।
सुनसरी, झापा र मोरङमा बर्डफ्लुको सङ्क्रमण फैलिएपछि ती जिल्लामा पशुपक्षी ओसारपसारमा प्रतिबन्ध लगाइएको छ ।
सरकारले बर्डफ्लु देखिएपछि हाँस, कुखुरा नष्ट गर्ने गर्दछ र सो बापत ७५ प्रतिशत क्षतिपूर्ति किसानलाई उपलब्ध गराउँदै आएको छ ।