गाेरखा । गाेरखा सदरमुकाममा आयाेजित फुटसल प्रतियाेगिता सम्पन्न भएकाे छ । गोरखा जेसीज गोरखा द्वारा आयोजना गरिएको दोस्रो गोरखा जेसीज फुटसल प्रतियोगिता २०२६ सम्पन्न भएकाे हाे ।
गोरखा नगरपालिका-९ स्थित दलभञ्ज्याङमा रहेकाे फुटसल मैदानमा भएकाे प्रतियाेगिताकाे उपाधी भने शुक्लागण्डकी जेसीज (टिम बी) ले हात पार्न सफल भएको कार्यक्रम संयोजक जेसी समिर कुँवरले बताए ।
उनका अनुसार शुक्लागण्डकीले जित संगै नगद ५५ हजार, ट्रफी तथा मेडल र प्रमाण पत्र पाएकाे छ । प्रयाेगितामा आयाेजक गोरखा जेसीज उप-विजेतामा भएकाे छ । उप-बिजेता रहेकाे गाेरखा जेसिजले नगद ३५ हजार सहित ट्रफी तथा मेडल र प्रमाण पत्र पाएकाे छ ।
साेही प्रतियाेगितामा व्यासनगर जेसीजले फेयर प्ले अवार्ड प्राप्त गरेको थियाे भने पोखरा जेसीज अनुशासित टिम घोषित भएको थियाे ।
प्रतियाेगिता अवधिभर सर्वाधिक गाेलकर्ता शुक्लागण्डकी (टिम बी) का बिशाल अधिकारी थिए भने सोही टिमका बालकृष्ण भुजेल उत्कृष्ट गोलरक्षक घोषित भएका थिए ।
गोरखा जेसीजका जमिर मास्के प्रतियोगिताको उत्कृष्ट खेलाडी घोषित भएका थिए । उनीहरुलाई नगद २ हजार पुरस्कार प्रदान गरिएको गाेरखा जेसिजका अध्यक्ष सुजित श्रेष्ठले जानकारी दिए ।
चैत्र २० र २१ गते भएकाे खेलमा गोरखा, भानु बन्दीपुर, लमजुङ, व्यासनगर, शुक्लागण्डकी (टिम ए र टिम बी), पोखरा तथा वालिङ जेसीजका टिमहरूले प्रतिस्पर्धा गरेका थिए ।
