गाेरखा । नेपाली कांग्रेसकाे १५ औं महाधिवेशनको प्रक्रिया आज (शनिबार) देखि अगाडि बढेको छ । पछिल्लो केन्द्रीय कार्यसमिति बैठकले गरेको निर्णयअनुसार कांग्रेसले शनिबारदेखि १५औं महाधिवेशनको प्रक्रिया अगिाडि बढाउन लागेको हो ।
प्रतिनिधिसभा निर्वाचनपछि चैत १०–११ गते बसेको केन्द्रीय कार्यसमिति बैठकले आगामी ०८३ साल असोज (१६–१९) मा १५ औं महाधिवेशन सम्पन्न गर्ने गरी कार्यतालिका पारित गरेको थियो ।
कार्यतालिकाअनुसार आज चैत २१ गतेदेखि मसान्तका दिनसम्म केन्द्रबाट सदस्यता फारम वडा तहसम्म पठाउने र सदस्यता वितरणका लागि १६५ वटै निर्वाचन क्षेत्रमा प्रतिनिधि खटाउने भएको छ ।
कांग्रेसले देशभर क्रियाशील सदस्यता वितरणका लागि खटिने प्रतिनिधिहरूलाई शनिबार प्रशिक्षण गराउदै छ । प्रतिनिधिहरूका लागि दिउँसो २ बजे सानेपामा बाेलाइएकाे छ ।
कार्य तालिका :
१. ०८३ साल बैशाख १ गतेदेखि मसान्तसम्म देशभरका वडाहरूबाट क्रियाशील सदस्यता वितरण र अद्यावधिक गर्ने गर्ने
२. क्रियाशील सदस्यता जेठ १५ गतेसम्म प्रतिनिधिसभा क्षेत्र र जिल्लामा पठाइसक्नु पर्ने
३. क्षेत्र र जिल्लाले सदस्यता जेठ २५ गतेसम्म ‘इन्ट्री’ गरेर केन्द्रमा पठाइसक्नु पर्ने
४. केन्द्रले सदस्यतामा आवश्यक छानबनि गरेर अन्तिम टुंगो लगाउने मिति असार १५ गते सम्मका लागि तोकिएको छ ।
५. असार मसान्तसम्म अद्यावधिक क्रियाशील सदस्यको नामावली केन्द्रीय निर्वाचन समितिलाई बुझाइसक्ने
