गोरखा । गोरखा सदरमुकाममा नयाँ बर्षको अवसर पारेर तेस्रो रैथाने खाना तथा सडक महोत्सव हुने भएको छ ।
गोरखा होटल संघको आयोजनामा यही चैत ३० गतेदेखी ०८३ साल बैशाख १ गतेसम्म महोत्सव हुन लागेको हो ।
महोत्सवको बारेमा जानकारी दिन आज आयोजित पत्रकार सम्मेलनमा संघका महासचिव सुमन श्रेष्ठले २ दिने महोत्सवका आयोजना गरीएको जानकारी दिए ।
उनले पत्रकार सम्मेलनमा जिल्लाको ऐतिहासिक, धार्मिक, साँस्कृतिक साथै पर्यटन विकासमा टेवा पुर्याउने र गोरखाको स्थानिय उत्पादनको ब्यापार प्रवद्र्वन गर्न महोत्सवको आयोजना गरीएको बताए ।
यो महोत्सव रैथाने खाना तथा सडक महोत्सवको तेस्रो संकरण हो । यस अघि संघले २ पटकसम्म महोत्सवको आयोजना गरिसकेको छ ।
गोरखा बजारको रानी पोखरी परिषर तथा ठूलो आँगनदेखी पदेली क्षेत्रको सडकमा हुने महोत्सवमा संघले सबै पालिकालाई पत्राचार गरे त्यहाँ रहेको स्थानिय खाना लिएर स्टलमा राख्न समेत अनुरोध गरेको छ । पालिकाले राख्ने सबै स्टल संघले निःशुल्क रुपमा उपलब्ध गराउने पनि पत्रकार सम्मेलनमा जानकारी गराइएको थियो ।
नयाँ बर्ष मनाउने जिल्ला बाहिर जाने प्रवृत्तिको अन्त्य तथा बाहिरी जिल्लाबाट पनि नयाँ बर्ष मनाउन आउनेहरुलाई यो महोत्सवले आकर्षण दिने संघले विश्वास लिएको छ ।
रैथाने खानाको १५ स्टल रहने महोत्सवमा १० हजार मानिसहरुको सहभागिता रहने अनुमान गरेको संघका कार्यबाहक अध्यक्ष कृण्ण प्रसाद लामिछानेले विश्वास ब्यत्त गरे ।
२ दिनसम्म चल्ने महोत्सवमा विभिन्न कलाकारको प्रस्तुती हुने तथा नृत्य प्रतियोगिता समेत रहेको संघले जनाएको छ ।