फाईल तस्बिर
गाेरखा । राष्ट्रिय परीक्षा बोर्डले भाेलीदेखी लिने एसईई परीक्षाकाे तयारी गाेरखा जिल्लामा पुरा भएकाे छ । परिक्षा चैत १९ गते बिहीबारदेखि २९ गते आइतबारसम्म चल्ने छ ।
भाेलीबाट हुने परिक्षामा जिल्लाभर कुल ३ हजार ७९६ जना बिधार्थीहरु सहभागी हुने शिक्षा विकास तथा समन्वय इकाई, गाेरखाका इकाई प्रमुख विश्व प्रकास रेग्मीले बताए ।
उनका अनुसार सबै परिक्षा केन्द्रमा प्रश्न पत्र र उत्तर पुस्तिका पुगि सकेकाे र आवश्यक सुरक्षा ब्यवस्था मिलाइएकाे छ । जिल्ला भर २३ परीक्षा केन्द्र रहेकाे उनले बताए ।
इकाईले दिएकाे जानकारी अनुसार गाेरखा नगरपालिकामा ६, भिमसेन थापा गाउँपालिकामा ३ तथा गण्डकी, शहिदलखन, सिरानचाेक, बारपाक सुलिकाेट, आरुघाट गाउँपालिका र पालुङटार नगरपालिकामा २-२ वटा परिक्षा केन्द्र र अजिरकाेट र धार्चे गाउँपालिकामा १-१ वटा परीक्षा केन्द्र रहेकाे छ ।
उत्तरी गाेरखाकाे चुमनुब्री गाउँपालिकामा भने परीक्षार्थीकाे संख्या कम भएकाेले केन्द्र छैन ।
यसै बिच जिल्लाकाे ४ वटा बिधालयमा अध्ययन हुने प्राविधिक धारका बिधार्थीहरुकाे परिक्षा केन्द्र गाेरखा सदरमुकामकाे शक्ति माविमा राखिएकाे इकाईले जानकारी दिएकाे छ ।
परीक्षा बिहान ८ बजेदेखी ११ बजेसम्म सञ्चालन हुने छ ।
शैक्षिक क्यालेन्डरअनुसार चैत पहिलो साता परीक्षा हुनुपर्ने हो । तर २१ फागुनको प्रतिनिधिसभा चुनावका कारण १९ चैतमा धकेलिएको हो ।
एसईईलाई शान्तिपूर्ण र भयरहित वातावरणमा सञ्चालन गर्नका लागि बोर्डले सबैलाई आग्रह पनि गरेको छ ।
