गोरखा । गोरखा सदरमुकाममा रहेको ऐतिहासिक एवं गोरखा संग्रालयको अबलोकन गर्नेको संख्या करिब १ लाख पुगेको छ ।
साउनदेखी फागुन मसान्तसम्म ९६ हजार १०२ जनाले संग्रालयको अबलोकन गरेको संग्रालय प्रमुख जयनारायण कार्कीले जानकारी दिए ।
संग्रलाय अबलोकनका लागि देश तथा विदेशबाट आउने गरेको पनि उनले बताए । उनका अनुसार यो आर्थिक बर्षको ९ महिनामा सबै भन्दा धेरै सर्व साधारण नेपालीले संग्रालयको अवलोकन गरेका छन् ।
संग्रालय प्रशासनले उपलब्ध गराएको तथ्याक अनुसार यो अवधिमा ५४ हजार ५५२ जना सर्व साधारण नेपाली, ३९ हजार ७३४ जना नेपाली बिधार्थी, १ हजार ७५६ जना तेस्रो देशका विदेशी नागरिक र सार्क राष्ट्रका ६० जनाले संग्रालयको अबलोन गरेका छन् ।
यो आर्थिक बर्षको साउन महिनामा ७ हजार २४७ जना, भदौमा ४ हजार ६८५ जना, असोजमा ६ हजार ११९ जना, कार्तिकमा १८ हजार ४५५ जना, मंसिरमा २६ हजार ७१० जना, पौषमा १३ हजार १९४ जना, माघमा १० हजार ८८६ जना र फागुनमा ८ हजार ८०६ जनाले संग्रालयको अबलोकन गरेका थिए ।
फागुन महिनामा ६ हजार ३७८ जना सर्व साधारण नेपालीले संग्रालयको अवलोकन गर्दा १ हजार ९९६ जना नेपाली बिधार्थी, ४१५ जना तेस्रो देशका विदेशी र १७ जना सार्क राष्ट्रका नागरिकहरुले अबलोकन गरेका थिए ।
पर्यटक तथा शैक्षिक भ्रमणको मुख्य सिजन मानिने कार्तिक, मंसिर, पौष र माघमा सबैभन्दा धेरैले संग्रालयको अबलोन गरेका थिए । अब बर्षाको सिजन लागेकोले अबलोकन गर्न आउनेको संख्यामा कमी आउने प्रमुख कार्कीले बताए ।
संग्रालयले यो ८ महिनामा अबलोकन कर्ताबाट २० लाख ९० हजार १६० रुपैयाँ राजश्व समेत संकलन गर्न सफल भएको छ ।