गाेरखा । गाेरखाको भीमसेन थापा गाउाँपलिकाले नागरिकलाई सहज र नजिकमै स्वास्थ्य सेवा उपलब्ध गराउने उद्देश्यसहित सञ्चालन गर्दै आएकाे स्याटेलाइट क्लिनिक प्रभावकारी बन्दै गएकाे छ ।
गाउँपालिका स्वास्थय शाखामार्फत भाेली शुक्रबार पुन: निःशुल्क स्वास्थ्य सेवा, दन्त सेवा तथा आँखा जाँच र उपचार सेवा सञ्चालन गर्न लागेको गाउँपालिका अध्यक्ष लोकप्रसाद बन्जराले जानकारी दिए ।
‘सुलभ स्वास्थ्य सेवा’ अभियानअन्तर्गत गाउँपालिकाले नियमित रुपमा स्याटेलाइट क्लिनिक सेवा सञ्चालन गर्दै आएको छ । भाेली गाउँपालिका-३ काे तान्द्राङस्थित तान्द्राङ स्वास्थ्य चौकीमा क्लिनिक सञ्चालन हुने भएकाे हाे ।
स्याटेलाइट क्लिनिकमा सामान्य स्वास्थ्य परीक्षण, मुख तथा दाँतसम्बन्धी सेवा, आँखा जाँच, उपचार तथा आवश्यक परामर्शसमेत प्रदान गरिनेछ ।
उपचारमा सहिद स्मृति आधारभूत अस्पतालकाका डाक्टर आमोर लोहनी, डेन्टल हाइजेनिष्ट जीवन यादव, नेत्र साहायक रचना केसीलगायतका चिकित्सक एवं स्वास्थकर्मीकोले सेवा प्रदान गर्ने गाउँपालिका स्वास्थय शाखाका प्रमुख भेषराज खनालले जानकारी दिए ।
भीमसेन थापा गाउँपालिकाले स्थानीय नागरिकलाई टोलटोलमा विशेषज्ञ सेवा पुर्याउन नियमित रुपमा स्याटेलाइट क्लिनिक सञ्चालन गर्दै आएको छ । साथै, नागरिकलाई तोकिएको मिति र समयमा उपस्थित भई निःशुल्क सेवा लिन पनि गाउँपालिकाले आग्रह गरेको छ ।
स्वास्थ्य सेवा सबैको आधारभूत अधिकार भएकाले त्यसको सहज पहुँच सुनिश्चित गर्न भीमसेन थापा गाउँपालिका सक्रिय बन्दै गएको यो उदाहरणलाई सराहनीय पहलका रूपमा हेरिएको छ ।
