गाेरखा । गाेरखा क्षेत्र नम्बर १ बाट निर्वाचित भएका राष्ट्रिय स्वतन्त्र पार्टीका सुधन गुरुङ जिल्ला भित्रकाे समस्या लिएर नेपाल टेलिकमकाे केन्द्रय कार्यालय पुगेका छन् ।
गुरुङले जिल्ला भित्रकाे विभिन्न स्थानमा टेलिकमकाे टावरकाे समस्या तथा माेवाईलमा नेटवर्ककाे समस्या रहेकाे भन्दै तत्कालै निर्माण गर्न वा सुधार गर्न निवेदन समेत दिएका छन् ।
गुरुङ हिजाे बिहीबार केन्द्रय कार्यालय पुगेर निर्वाचनकाे समयमा आफु पुगेका केही स्थानमा नेपाल टेलिकमका टावर तथा नेटर्वकले काम नगरेकाे भन्दै तत्कालै सुधार गर्न वा टावर निर्माण गर्न अनुराेध गरेका हुन् ।
उनले आफ्नै नाममा निवेदन दिदै आरुघाट, वगुवा, फिनाम, यार्सा, माछीखाेला, सिरानचाेक लगायतका ११ स्थानमा नेपाल टेलिकमकाे टावरले काम नगरेकाे भन्दै तत्कालै सुधार गर्न वा निर्माण गर्न आग्रह गरेका हुन् ।
गुरुङ फागुन २१ गते भएकाे प्रतिनिधिसभा निर्वाचनमा गाेरखा क्षेत्र नम्बर १ बाट भारी मतका साथ रास्वपाबाट बिजयी भएका थिए ।