साँकेतिक तस्बिर
गाेरखा । गाेरखाका १ जना युवक भक्तपुरको सूर्यविनायक नगरपालिका–८ भुम्डोलबाट इन्सास राइफल र गोलीसहित पक्राउ परेका छन् ।
सशस्त्र प्रहरीको इन्टेलिजेन्स ब्युरोको विशेष टोलीले पालुङटार नगरपालिका-९ मिरकाेट घर भएका ३१ वर्षीय आयन सेढाइलाई पक्राउ गरेको हो ।
भुम्डोल बस्दै आएका उनीबाट राइफल र एसएलआरको ४ राउण्ड गोली, प्लाष्टिक गाेली राउण्ड २ वटा, सट गनमा लाग्ने गाेली राउण्ड १ वटा, खुकुरी १ थान तथा सोको दाप २ थान, बन्चरो १ र सिरिन्ज ५ वटा बरामद भएको सशस्त्र प्रहरी बल नेपालका सशस्त्र प्रहरी नायव उपरिक्षक एवं सह-प्रबक्ता शैलेन्द्र थापाले बताए छ ।
उनलाई आवश्यक कारबाहीको लागि नेपाल प्रहरीमा बुझाइएको उनले बताए । उक्त राईफल तथा हतियारमा लाग्ने गोली जेनजी आन्दोलनमा लुटिएको हुनसक्ने आशंका गरिएको छ ।