गाेरखा । राजधानीमा पैदलयात्रुलाई कुटपिट गर्नेलाइ प्रहरीले पक्राउ गरेको छ । पक्राउ परेका कार चालकलाई काठमाडाैंबाट पक्राउ गरेको हाे ।

उनले पैदलयात्रीलाई हातपात गरेको भिडियो सामाजिक सञ्जालमा भाइरल भएपछि प्रहरीले कारका चालकको खोजी अभियान थालेको थियो ।

उपत्यका ट्राफिक प्रहरी प्रमुख, प्रहरी वरिष्ठ उपरीक्षक नवराज अधिकारीले पैदलयात्रुलाई सडकमै कुटपिट गर्ने व्यक्ति बूढानीलकण्ठ नगरपालिका–३ बस्ने ४२ वर्षका पारस बम रहेका र उनलाई मंगलबार नै नियन्त्रणामा लिएकाे बताए ।

बमलाई थप कारबाहीका लागि जिल्ला प्रहरी परिसर काठमाडाैंलाई बुझाइएको छ । नारायणगोपाल चोकमा गाडी रोकिएका बेला कारबाट ओर्लिएर सडकमा हिँडिरहेका एक बृद्ध व्यक्तिलाई बलले हातपात गरेको भिडियोमा समेत देखिन्छ ।

नारायणगोपाल चोक सडकखण्डमा बा ३ च ११०३ नम्बरको निजी कार चालकले सार्वजनिक ठाउँमा पैदलयात्रीलाई हातपात तथा दुर्व्यव्यवहार गरेको देखिएको थियो ।

उनलाई हिजै काठमाडाैं जिल्ला अदालतमा पेश गरिएकामा अनुसन्धानका लागि ७ दिनको म्याद थप भएको काठमाडाैं प्रहरीका प्रवक्ता पवनकुमार भट्टराईले जानकारी दिए ।

लेखकबाट थप:

• सुन ताेलामा ४८ सयले घट्याे
• आज कुशे औँसी
• नेपाल राष्ट्र बैंकले शुक्रबारकाे लागि निर्धारण गरेकाे विदेशी मुद्राको विनिमयदर
• चितवनमा इभी कारमा आगलागी, चालकको मृत्यु, पहिचान हुन सकेन
• आजकाे माैसम : देशभर मनसुनी वायुको प्रभाव कायमै, केही स्थानमा भारी वर्षाको सम्भावना