गोरखा । अफगानिस्तानका राशिद खान टी–२० क्रिकेटमा ७०० विकेट लिने पहिलो बलर बनेका छन् ।

आईसीसी टी–२० विश्वकप क्रिकेटअन्तर्गत भारतको दिल्लीमा रहेको अरुण जेटली स्टेडियममा आज भएको संयुक्त अरब इमिरेट्स (यूएई) सँगको खेलमा २७ वर्षीय राशिदले यो उपलब्धि हासिल गरेका हुन् ।

राशिदले ५१७ खेलमा ७०० विकेट लिएका हुन् । टी–२० क्रिकेटमा सबैभन्दा धेरै विकेट लिने बलरको दोस्रो स्थानमा वेस्ट इन्जिका ड्वेन ब्राभो रहेका छन् । ब्राभोले ५८२ खेलमा ६३१ विकेट लिएका छन् ।

त्यस्तै यो सूचीमा तेस्रो स्थानमा रहेका वेस्ट इन्डिजकै सुनिल नरायनले ५८३ खेलमा ६१३ विकेट लिएका छन् ।

राशिद खान टी–२० अन्तर्राष्ट्रिय क्रिकेटमा सबैभन्दा धेरै विकेट लिने बलर पनि हुन् । राखिदले टी–२० अन्तर्राष्ट्रिय क्रिकेटमा १९१ विकेट लिएका छन् ।

यो सूचीमा दोस्रो स्थानमा १६४ विकेटसहित न्युजिल्यान्डका टिम साउथी र १६२ विकेटसहित न्युजिल्यान्डकै इश सोधी छन्

लेखकबाट थप:

• साहित्य र चलचित्रका २ साधकलाई ‘दाहाल यज्ञनिधि पुरस्कार’
• असार मसान्तसम्म खपत भएको बिजुलीमा भ्याट नलाग्ने
• नेपाल राष्ट्र बैंकले मंगलबारकाे लागि निर्धारण गरेकाे विदेशी मुद्राको विनिमयदर
• आजकाे माैसम : बागमती, गण्डकी र कर्णालीमा भारी वर्षाको सम्भावना
• चाैरमा अचेत अवस्थामा भेटिएकी २ महिलाकाे मृत्यु