गोरखा । गोरखा सदरमुकाममा रहेको गोरखा दरर्बार संग्रालयको अबलोकन गर्नेहरुको संख्या ८७ हजार माथी पुगेको छ ।
गएको साउनदेखी माघ मसान्तसम्म ७ महिनाको अवधिमा कुल ८७ हजार २९६ जनाले संग्रालयको अबलोकन गरको हो ।
यो आर्थिक बर्षको साउन महिनादेखी माघ मसान्तसम्म उक्त संख्यामा नेपाली र विदेशीहरुले संग्रालयको अवलोकन गरेको संग्रलाय प्रमुख जय नारायण कार्कीले बताए । ‘पछिल्लो ७ महिनामा ८७ हजार २९६ जनाले संग्रालयको अवलोकन गरेको’ भन्दै उनले ‘त्यसमा ८५ हजार ९१२ जना नेपाली र १ हजार ३८४ जना विदेशी रहेका छन् ।’
संग्रालयकाले उपलब्ध गराएको तथ्यांक अनुसार साउनमा स्वदेशी तथा विदेशी गरी कुल ७ हजार २४७ जना, भाद्र महिनामा ४ हजार ६८५ जना, असोज महिनामा ६ हजार ११९ र कार्तिक महिनामा १८ हजार ४५५ जनाले अवलोकन गरेको देखिन्छ ।
त्यस्तैगरी, मंसिर महिनामा २६ हजार ७१० जना, पौष महिनामा १३ हजार १९४ जना र माघ महिनामा १० हजार ८८६ जनाले संग्रालयको अवलोकन गरेका थिए ।
उक्त अवधिमा ३७ हजार ७३८ जना बिधार्थीहरु, ४८ हजार १७४ जना नेपाली तथा सार्क राष्ट्रका ४३ जना र तेस्रो देशका १ हजार ३४१ जना विदेशीहरुले संग्रालयको अध्ययन गरेको प्रमुख कार्कीले जानकारी दिए ।
संग्रालयले गएको ७ महिनामा १८ लाख ५७ हजार राजश्व समेत उठाउन सफल भएको लेखा शाखाले जानकारी दिएको छ ।
तात्कालिन राजा राजेन्द्र बिक्रम शाहको पालामा बिक्रम संम्बत १८९६ सालमा निर्माण भएको उक्त दरर्बार अहिले ६८ रोपनी क्षेत्रफलमा फैलिएको छ । नेपाली ईतिहासमा राज परिवारले बनाएको यो नै अन्तिम दरर्बार हो ।
पंञ्चायत कालमा जिल्ला भित्रका सबै सरकारी कार्यालय रहेको यो दरर्बारमा बिक्रम संम्बत २०६५ साल जेठ १९ गते विधीवत रुपमा संग्रालयको रुपमा खुल्ला गरीएको हो । संग्रालय बाहिर भने करिब ३०० प्रजातिका बोट बिरुवाहरु देख्न पाइन्छ ।
दरर्बारको बिच भागमा रहेको १२ वटा कोठामा नेपाल एकिकरणका पिता एवं तात्कालिन राजा पृथ्वीनारायण शाहका ४४ हात १६ अंगुल लामो चिना, उनले तात्कालिन अबस्थामा लडाइमा प्रयोग गरिएका हात हतियार, दिब्य उपदेश, भाँडा बर्तनका साथै सोही बेला प्रयोगमा आएको मोहर (सिक्का–पैसा), लिच्छबी कालिन चैत्यहरुका साथै विभिन्न जातजातिलाई दर्शाउने गरगहना तथा भेषभूषा र बाजागाजाहरु प्रर्दशनमा राखिएको छ ।