गोरखा । नेपालकै पुरानो केबुलकार मनकामना दर्शन प्रालि द्वारा सञ्चालित मनकामना केबुलकार आज १ दिनकोलागि बन्द हुने भएको छ । प्रालिले सूचना जारी गर्दै मर्मत र केही सामान परिवर्तन गर्न १ दिनकोलागि बन्द गर्न लागेको जनाएको हो ।
आज बन्द रहने केबुलकार भोली बिहानैदेखी भने नियमित रुपमा सञ्चालनमा आउने मनकामना दर्शन प्रालिका नायब महाप्रबन्धक उज्वल शेरचनले बताए ।
उनका अनुसार नयाँ गियरबक् जडान तथा नियमित मर्मत कार्यकालागि आज १ दिनकालागि केबुलकार बन्द गरेर काम गर्न लागिएको हो ।
बुधबार बिहानैदेखी काम हुने भएकोले साँझसम्म काम सकेर बिहीबार बिहानैदेखी नियमित रुपमा केबुलकार सञ्चालनमा आउने पनि उनले जानकारी दिए ।
यो अवधिमा मनकामना माताको दर्शन गर्न जाने श्रद्वालु भक्तजनहरुलाई पर्न जाने असुविधाप्रति केबुलकार प्रशासनले क्षमाप्रार्थी छौं भनेको छ ।
गोरखाको मनकामना मन्दिर र चितवनको चेरेश जोडने केबुलकार भएर दैनिक जसो सयौं श्रद्वालु भक्तजन तथा स्वदेशी तथा विदेशी पर्यटकले यात्रा गर्ने गर्दछन् ।