गोरखा । गोरखा जिल्लाकै पुरानो त्रिभूवन पुस्तकालयको अध्यक्षमा पुनः कुशललाल श्रेष्ठ चयन भएका छन् ।
सदरमुकाममा हिजो भएको दोस्रो बार्षिक साधारण सभा तथा प्रर्थम अधिवेशनले श्रेष्ठलाई पुनः अध्यक्षमा चयन गरेको हो ।सोही अधिवेशनले
उपाध्यक्षमा मञ्जु देवी अर्याल, सचिवमा किरण अर्याल, कोषाध्यक्षमा महेश्वर अर्याल र सह–सचित नन्द कुमार श्रेष्ठ सर्व सम्मत रुपमा चयन भएको पुस्तकालय प्रशासनले जनाएको छ ।
त्यस्तैगरी, सदस्यहरुमा अंगत कुमार श्रेष्ठ, मलिना मास्के, कृण्ण प्रसाद अधिकार िर गणेश श्रेष्ठ सर्व सम्मत रुपमा चयन भएका छन् ।
जिल्लाकै पुरानो उक्त पुस्तकालय २००७ सालमा प्रजातन्त्रको उदय लगत्तै २००८ सालमा स्थापना भएको थियो । लामो समयसम्म निष्कृय रहेको पुस्तकालय युवाहरुको सक्रियतामा २०७९ सालमा पुनः जिल्ला प्रशासन कार्यालय गोरखामा दर्ता गरेर सञ्चालनमा ल्याएको हो ।
३ जना संरक्षक तथा ३ विशिष्ट सदस्य तथा १२९ जना आजिवन सदस्य रहेको पुस्तकालय जिर्ण भए लगत्तै पुनःनिर्माण गरेर नयाँ भवनमा सञ्चालनमा ल्याएको छ ।
पुनःनिर्माण गरेर सञ्चालनमा ल्याएको त्रिभूवन पुस्तकालय