गोरखा । माघ ६ गते हुने उम्मेदवारको मनोनयन दर्ता सम्वन्धी सर्वदलीय छलफल सम्पन्न भएको छ ।
मुख्य निर्वाचन अधिकृतको कार्यालयले आयोजना गरेको उक्त छलफल कार्यक्रम जिल्ला समन्वय समितिको हलमा भएको थियो ।
राजनैतिक दलका प्रतिनिधी तथा सरोकारवालाहरुको उक्त छलफल कार्यक्रममा मुख्य निर्वाचन अधिकृत एवं गोरखा जिल्ला अदालतका न्यायधिस विण्णु प्रसाद गौतमले मनोनयन गर्न आउदा आवश्यक पर्ने कागजात र प्रकृयाको बारेमा जानकारी गराएका थिए ।
अधिकृत गौतमका अनुसार उम्मेदवारले अनिर्वाय रुपमा गोप्य सिलबन्दी गरेर सम्पत्ती विवरण पेश गनुपर्ने, जुन निर्वाचन क्षेत्रको उम्मेदवार हो सोही क्षेत्रकै प्रस्तावक र समर्थक हुनु पर्ने कानूनी प्रावधान रहेको समते बताए ।
उनले उम्मेदवार नगद १० हजार राजश्व बुझाउनु पर्ने र आवश्यक कानूनी प्रकृया पूरा भएपछी मात्र निस्सा पाउने र सो निस्सा लिएर मात्र कार्यालयबाट बाहिरीनुपर्ने जस्ता बिषयमा जानकारी गराएका थिए ।
उम्मेदवारको बैयक्तीक विवरण समेत अनिवार्य रहेको जानकारी दिदै सबै राजनैतिक दलललाई भोलीसम्म उम्मेदवारी दिन आउने समय उपलब्ध गराई दिन आग्रह गरे ।
कार्यक्रममा प्रमुख जिल्ला अधिकारी तुलसी बहादुर श्रेष्ठले सुरक्षा र सहजताकोलागी पनि समयमा नै सबै राजनैतिक दलले उम्मेदवारी दिने समय उपलब्ध गराईदिन आग्रह गरे । उनले आसन्न निर्वाचन भय रहित बनाउन सबैको सहयोग आवश्यक भएको भन्दै निर्वाचन आचार संहिता पूर्ण रुपमा पालना गरिदिन अनुरोध गरे ।
कार्यक्रममा जिल्लामा क्रियाशिल नेपाली काँग्रेस, नेकपा एमाले, नेपाली कम्युनिष्ट पार्टी, राष्ट्रिय स्वतन्त्र पार्टी, नेकपा माले, मंगोल नेशनल अर्गनाइजेसन, प्रगतिशिल लोकतान्त्रिक पार्टी, राष्ट्रिय प्रजातन्त्र पार्टी, गोरखा नगरपालिका मेयर कृण्णबहादुर राना मगर र उप–मेयर मसली मायाँ थोकर पुनः का साथै अन्य सरोकारवाला संघ संस्थाहरुका प्रतिनिधिहरुको उपस्थिती रहेको थियो ।
