गोरखा । गोरखा सदरमुकाममा रहेको गोरखा दरबार संग्रालय अबलोकन गर्नेको संख्या अघिल्लो महिनाको तुलनामा पुसमा आधाले घटेको छ । पुस महिनामा १३ हजार १९४ जनाले संग्रालयको अबलोकन गरेको संग्रालय प्रशासनले जनाएको हो ।
मंसिर महिनामा २६ हजार ७१० जनाले अबलोकन गरेको संग्रालय पुस महिनामा ह्वात्तै गरेको संग्रलाय प्रमुख जयनारायण कार्कीले बताए । ‘पुस महिनामा सर्व साधारण नेपाली भन्दा पनि बिधार्थीहरुको संख्यामा उल्लेखिय कमी आयो’ उनले भने ‘मंसिर महिनाको तुलनामा पुस महिनामा दुई गुणा कमी बिधार्थीहरु संग्रालय अबलोकनका लागि आए ।’
संग्रालय प्रशासनले उपलब्ध गराएको तथ्यांक अनुसार मंसिरमा १६ हजार २२९ जना बिधार्थीहरुले संग्रालयको अबलोकन गरेकोमा पुस महिनामा त्यो संख्या ह्वात्तै घटेर केलब ५ हजार ६०३ जना बिधार्थीहरुले मात्र संग्रालयको अबलोकन गरेका छन् ।
उता १० हजार १३६ जना सर्व साधारण नेपालीले मंसिर महिनामा अबलोकन गरेको संग्रालय पुस महिनामा घटेर ७ हजार ४९१ जनाले मात्र गरेको छ । सोही अवधिमा सार्क राष्ट्रका १४ जना र तेस्रो देशका ८६ जना नागरिकले संग्रालयको अबलोकन गरेका छन् ।
यो आर्थिक बर्षको साउनमा कुल ७ हजार २४७, भाद्रमा ४ हजार ६८५, असोजमा ६ हजार ११९, कार्तिकमा १८ हजार ४५५ जना, मंसिरमा २६ हजार ७१० जना र पुसमा १३ हजार १९४ जनाले संग्रालयको अबलोन गरेको छ ।
यो बर्षकोे ६ महिनामा संग्रालय अबलोकन गर्नेको संख्या कुल ७६ हजार ४१० जना पुगेको छ । यो अवधिमा संग्रालयले अबलोकन कर्ताबाट कुल १ करोड ६० लाख ९ हजार ८७५ रुपैयाँ राजश्व संकलन गर्न सफल भएको संग्रालय प्रमुख कार्कीले बताए ।
