साँकेतिक तस्बिर
गाेरखा । गोरखाको पालुङटार नगरपालिका–३, बोगटीगाउँमा आफ्नै श्रीमानको कुटपिटबाट श्रीमतीको ज्यान गएको छ ।
बिहीबार भएकाे घटनामा शंकर सुनारले कुटपिट गर्दा उनकी श्रीमती २१ बर्षकी अनुष्का परियारको ज्यान गएको जिल्ला प्रहरी कार्यालय गोरखाका प्रमुख प्रहरी उपरीक्षक भरतबहादुर बि.कले जानकारी दिए ।
श्रीमानको कुटाइबाट अचेत अवस्थामा रहेको भन्ने सूचनाका आधारमा ठाँटीपोखरीबाट घटनास्थलमा पुगेको प्रहरीको टोलीले गम्भीर घाइते अनुष्कालाई उद्दार गरि उपचारका लागि आँपपिपल अस्पतालमा पुर्याएकाे थियो ।
उनको उपचारकै क्रममा ज्यान गएको प्रउ बि.कको बताए ।
मृतक महिलाको शव अहिले पोष्टमार्टमका लागि सदरमुकाममा रहेकाे प्रदेश अस्पताल गोरखामा ल्याइएकाे छ ।
प्रारम्भिक जानकारी अनुसार कुटपिट गरेको भनिएका शंकर सुनार स्वयं पनि घाइते रहेको अहिले प्रहरीको निगरानीमा प्रदेश अस्पताल गोरखामै उपचार भइरहेको छ । प्रहरीले घटनाको थप अनुसन्धान अघि बढाएको जनाएको छ ।