गोरखा । भिमसेनथापा गाउँपालिकाले प्रदेश अस्पताल गोरखासँगको सहकार्यमा नियमित रूपमा विशेषज्ञ स्वास्थ्य सेवा सञ्चालन गर्ने भएको छ ।
गाउँपालिकास्थित सहिद स्मृति आधारभूत अस्पताल, भिमसेनथापा–६ अश्राङमा पुस महिनादेखि हरेक महिना नियमित रुपमा विशेषज्ञ स्वास्थ्य उपचार सेवा सञ्चालन गर्न लागेको हाे ।
गाउँपालिका स्वास्थ्य शाखाका प्रमुुख भेषराज खनालका अनुसार गाउँपालिकाले प्रदेश अस्पतालसंग सम्झौता गरेर सेवा सुरु गर्न लागे हाे ।
याे सम्झाैता संगै अबदेखि विशेषज्ञ उपचार सेवाका लागि गोरखा सदरमुकाम वा अन्य ठूला शहरतर्फ धाउनुपर्ने बाध्यताको अन्त्य भएको पनि उनले बताए ।
स्वास्थ्य बीमामा आवद्ध भएका बिरामीले बीमा कार्ड लिएर आउन पनि गाउँपालिकाले अनुरोध गरेको छ । गाउँपालिकाले ‘टोल–टोल, घर–घरमै स्थानीय सरकार’ भन्ने नारालाई व्यवहारिक रूप दिन स्वास्थ्य सेवा, पूर्वाधार र जनजीविकासँग प्रत्यक्ष सम्बन्धित कार्यक्रममा जोड दिदै आएको छ ।