गोरखा । गोरखा बजारमा आज बिहान भएको ‘१२ औं म्यान अफ दि गोरखा दौड’ प्रतियोगिताका उपाधी नेपाली सेनाका राजन रोकायले हात पार्न सफल भएको छ । रोकायले निर्धारीत दुरी २९ः३८ः०९ सेकेन्डमा पारगरी जित हात पारेको हो ।
गोरखा उद्योग बाणिज्य संघको आयोजनामा भएको दौड प्रतियोगितामा नेपाली सेनाकै गणेश रावल र टंक बहादुर कार्की क्रमश.दोस्रो र तेस्रो हुन सफल भएका छन् । उनीहरुले निर्धारीत दुरी क्रमश.३०ः१८ः०० र ३०ः५९ः०० मा पार गरेका थिए ।
बिजेता तिनै जना नेपाली सेना अन्तरर्गतको त्रिभूवन आर्मी क्लबका भएको गोरखा उद्योग बाणिज्य संघका उपाध्यक्ष प्रकाशचन्द्र श्रेष्ठले जानकारी दिए ।
आजै बिहान गोरखा नगरपालिका–५ को पश्लाङ चौतारो अर्थात राज्य भिषेक चौतारोबाट सुरु भएको दौड गोरखा बजारको धारापानी–बिपी चौतारो–पूरानो बसपार्क–शक्तिचोक–कालिमाटी बजार–गोरखा अस्पताल–बोसेपानी धारा–पाटेचौर–ठूलो आँगन–सतिपिपल–पादेलीथोक हुदै गोरखा दरर्बार परिषरमा रहेको हनुमान चौतारोमा पुगेर सकिएको थियो ।
करिब ८ किलो मिटर उक्त दौड प्रतियोगितामा १ जना सशस्त्र प्रहरीका महिला सहित २९ जनाको सहभागिता रहेको थियो ।
जर्सि नम्बर ४१३ लगाएका सशस्त्र प्रहरीका आस्मा बिकलाई सम्मान स्वरुप नगद ५ हजारका साथै दौडमा पहिलो, दोस्रो र तेस्रो हुनेलाई क्रमश. ३०, २० र १० हजार नगद र प्रमाणपत्र प्रदान गरिने छ ।
बिजेता सबैलाई आजैदेखी गोरखा सदरमुकामको खेलकुद मैदानमा हुन लागेको १२ औं गोरखा महोत्सव एवं प्रदेश स्तरीय कृषि, पर्यटन तथा औद्योगिक ब्यापार मेलामा प्रमुख अतिथी रहेका गण्डकी प्रदेशका मुख्यमन्त्री सुरेन्द्रराज पाण्डेले प्रदान गर्ने कार्यक्रम रहेको गोरखा उद्योग बाणिज्य संघले जानकारी दिएको छ ।
केही तस्बिरहरु :
