गाेरखा । नवौं एनभीए भलिबल च्याम्पियनसिपको महिलातर्फ न्यू डायमण्ड युथ स्पोर्टस क्लब र विभागीय टोली एपीएफ ले विजयी शुरुआत गरेका छन् ।
राष्ट्रिय खेलकुद परिषद्को कभर्ड त्रिपुरेश्वरमा आज बिहान भएको खेलमा न्यू डायमण्डले चुली युवा क्लबलाई र एपीएफले मधेश प्रदेश भलिबल सङ्घलाई ३–० को सोझो सेटमा हरायो ।
आजै पुरुषतर्फ दिउँसो १ बजे त्रिभुवन आर्मी क्लब र कोशी प्रदेश अनि दिउँसो ३ बजे रुकुम पश्चिम भलिबल ट्रेनिङ सेन्टर र बूढानिलकण्ठ भलिबल क्लबबीच खेल हुँदैछ ।
हिजो भएका खेलमा पुरुषतर्फ साविक विजेता हेल्प नेपाल स्पोट्र्स क्लब र पुलिस तथा महिलातर्फ पनि पुलिससँगै आर्मीले विजयी शुरुआत गरे ।
एनभीए भलिबल च्याम्पियनशिपमा महिलातर्फ ८ र पुरुषतर्फ १२ टोलीको सहभागिता छ ।
