गोरखा । विश्व ध्यान दिवसको अवसरमा गोरखा प्रहरीले सदरमुकामको एक बिद्यालयमा कार्यक्रम सम्पन्न गरेको छ ।
जिल्ला प्रहरी कार्यालय गोरखाको आयोजना तथा ब्रह्रमा ईश्वरीय विश्व बिद्यालय गोरखाको समन्वयमा नेपाल प्रहरीलाई ध्यानका बिषयमा प्रशिक्षण गराईएको हो ।
बिद्यालयका गोरखा शाखा प्रमुख ब्रह्रमा कुमारी पबित्राले सहभागीहरुलाई ध्यान र योगको भिन्नताका बारेमा जानकरी दिएकी थिइन ।
ध्यान के हो र ध्यानले कसरी अरुलाई सहयोग गर्ने तथा आफ्नो कार्यमा सहजता ल्याउने भन्ने बारेमा केही बेर प्रशिक्षण समेत भएको ब्रह्रमा ईश्वरीय विश्व बिद्यालय गोरखाले जानकारी दिएको छ ।
दोस्रो ध्यान दिवसमा प्रहरी प्रमुख प्रहरी उपरिक्षक भरतबहादुर बिक सहित ४० जना विभिन्न ओहदाका नेपाल प्रहरीका कर्मचारीहरुको सहभागिता रहेको थियो ।
कार्यक्रममा सहभागीहरुले एक साथ आगामी दिनमा आफ्नो कर्म क्षेत्रमा गरिने कामबाट कोही कसैलाई पनि असर नगर्ने गरी काम गर्ने प्रण गरेका थिए ।
‘ध्यान सहजता हो । हामीले बोल्ने बोली र गर्ने ब्यवहारले पनि अरुलाई असर गर्न सक्छ’ प्रमुख पबित्राले भनिन् ‘ध्यान मन र चेतना संग जोडिने हुदा असल कर्म गरे ध्यान सिद्व हुन्छ ।’