गोरखा । गोरखा सदरमुकाममा रहेको एक आवाशिय बिद्यालयमा अध्ययनरत बिद्यार्थीको लडेर ज्यान गएको छ । ज्यान गुमाउने बिद्यार्थी कञ्चनपुर जिल्ला, बेलौरी नगरपालिका–८ घर भएका १५ बर्षिय आदिप राना भएको जिल्ला प्रहरी कार्यालय गोरखाले पुष्टी गरेको हो ।
रानाको हिजो बिहान ज्यान गएको मनकामना आवाशिय बिद्यालयका शिक्षक अनिल अंगाईले बताए । सोही बिद्यालयमा नै बस्दै आएका उनलाई हिजो बिहान नै उपचारकोलागि गोरखा अस्पताल ल्याएकोमा चिकित्सकले मृत घोषणा गरेको पनि उनले बताए ।
‘हिजो बिहान खाना खाएर कोठामा सबै साथीहरु संग टिभी हेर्दै थियो’ उनले भने ‘साथीहरुलाई छाती दुख्यो भनेर भनेछन् । हामीले तत्कालै एम्बुलेन्स मार्फत अस्पताल ल्यायौ तर उनी जिवित रहेनन् ।’
छाती दुख्यो भन्ने बित्तिकै शौचालय गएका उनले शौच गर्दा रगत नै गरेकाे र शौचायलबाट फर्कदा कोठामा लडेका थिए । एम्बुलेन्समा गोरखा अस्पताल ल्याउदा पनि रगतै छादेको पनि शिक्षक अंगाईले जानकारी दिए ।
शनिबार बिहान १०ः३० बजे छाती दुख्यो भनेका रानालाई गोरखा अस्पतालले ११ः३० बजे मृत घोषणा गरेको उनले जानकारी दिए ।
कक्षा ७ मा अध्ययनरत राना गत बर्ष मात्र बिद्यालयमा कक्षा ६ मा भर्ना भएका थिए । घटना लगत्तै बिद्यालयल प्रशासनले रानाको परिवारलाई यर्थाथ जानकारी गराएको र उनीहरु गोरखा आईपुगेका छन् ।
पारिवारी स्राेत तथा शिक्षक अंगाईका अनुसार मृत्तक बिधार्थीले कुनै पनि प्रकारकाे नियमित ओैषधी सेवन गर्ने नगरेकाे पनि जानकारी दिएकाे छ ।
मृत्तक बिद्यार्थीको परिवारले प्रहरीमा जाहेरी दिएर शव पोष्टमार्टम पछी परिवारले वुझेर कञ्चनपुर नै लगेको पनि शिक्षक अंगाईले बताए ।
यता जिल्ला प्रहरी कार्यालय गोरखाका प्रहरी प्रमुख प्रहरी उपरिक्षक भरतबहादुर बिकले भने घटना बारे प्रहरीले अनुसन्धान थालेको जानकारी दिए ।