गाेरखा । दोस्रो संस्करणकाे नेपाल प्रिमियर लिग (एनपीएल) क्रिकेट भब्य र सफलतापूर्वक सम्पन्न भएको छ । यही मंसिर १ गतेदेखि त्रिवि क्रिकेट रङ्गशालामा शुरू भएको प्रतियोगिता हिजो साँझ फाइनल खेलसँगै समापन भएको हो ।
प्रतियोगितामा ८ टोली सहभागी थिए । साविक उपविजेता सुदूरपश्चिम रोयल्स र पहिलो पटक फाइनलमा पुगेको लुम्बिनी लायन्स उपाधिका लागि खेले । सुदूरपश्चिमलाई हराउँदै लुम्बिनी एनपीएल क्रिकेटको दोस्रो सिजनको विजेता बन्न सफल भएको छ ।
फाइनलमा लुम्बिनीले सुदूरपश्चिमलाई ६ विकेटले हरायो । सुदूरपश्चिम लगातार दोस्रो पटक उपविजेता बन्यो । अघिल्लो संस्करणमा सुदूरपश्चिम जनकपुर बोल्ट्ससँग फाइनलमा पराजित भएको थियो ।
कसले के पुरस्कार जिते ?
सर्वोत्कृष्ट खेलाडी लुम्बिनी लायन्सका रुबेन ट्रम्पलमन र सर्वोत्कृष्ट नेपाली खेलाडी पनि लुम्बिनी लायन्सकै रोहित पौडेल घोषित
रोहित पौडेलले ओमोडा कार प्राप्त
उत्कृष्ट ब्याटर पनि बनेका उनले पल्सर बाइक पनि प्राप्त गरे
इनर्जेटिक प्लेयर अफ द टुर्नामेन्ट सुदूरपश्चिमका अविनाश बोहरा घोषित
१७ विकेट लिएका बोहराले नगद २ लाख रुपैयाँ पाए
प्रतियोगिताको सर्वोत्कृष्ट खेलाडी लुम्बिनी लायन्सका रुबेन ट्रम्पलमन भए
१५ विकेट लिए उनले नगद पुरस्कार ५ लाख रुपैयाँ प्राप्त गरे
प्रतियोगिताको सर्वोत्कृष्ट बलर विराटगरका सन्दीप लामिछानेले पल्सर बाइक प्राप्त गरे
लुम्बिनीका तिलकराज भण्डारी इनर्जेटिक प्लेयर अफ द टुर्नामेन्ट घोषित
प्रतियोगिताको उत्कृष्ट इमर्जिङ खेलाडी लुम्बिनी लायन्सका शेर मल्ल घोषित भएका उनले पल्सर बाइक प्राप्त गरे
हिजो भएको फाइनल खेलको प्लेयर अफ द म्याच रुबेन ट्रम्पलमन भए