गाेरखा । नेपाल प्रिमियर लिग (एनपीएल) क्रिकेटमा हिजाे साँझ भएकाे लिग चरणको अन्तिम खेलमा कर्णाली याक्सले जनकपुर बोल्ट्सलाई ३ रनले हराएको छ । कर्णालीले दिएको १३० रनको लक्ष्य दिएको पछ्याएको जनकपुरले ७ विकेट गुमाएर १२६ रन मात्रै बनाउन सकिएकाे हाे ।
जनकपुरका सञ्जय कृष्णमूर्तिले ५१ रन बनाए । कर्णालीका विलियम बोसिस्टो २, मार्क वाट, पवन सर्फ, नन्दन यादव र सोमपाल कामीले समान १-१ विकेट लिएका थिए ।
त्यसअघि कीर्तिपुरको त्रिवि क्रिकेट मैदानमा टस हारेर ब्याटिङ गरेको कर्णालीले २० ओभरमा ८ विकेट गुमाएर १२९ रन बनाएकाे थियाे । कर्णालीका इमरान शेखले ३३ रन बनाए । जनकपुरका ललित राजवंशी र आदित्य महताले २-२ विकेट लिएका थिए ।
दुवै टोली प्लेअफ समीकरणबाट बाहिरिसकेका छन् । यो खेल प्रतिष्ठाका लागि मात्रै थियो । ७ खेलमा २ जीतसहित छैटौं स्थानमा रहेर कर्णालीले प्रतियोगिता टुङ्ग्यायो । समान खेलमा एउटा मात्रै खेल जितेको साविक विजेता जनकपुर तालिकाको पुछारमा रह्यो ।
क्वालिफायर र इलिमिनेटर समीकरण पूरा भएको छ । अब क्वालिफायरमा शीर्ष स्थानमा रहेको सुदूरपश्चिम रोयल्स र दोस्रो स्थानमा रहेको विराटनगर किङ्ग्सबीच खेल हुनेछ । यस्तै इलिमिनेटरमा तेस्रो स्थानको काठमान्डु गोखार्ज र चौथो स्थानको लुम्बिनी लायन्सबीच खेल हुनेछ ।
गएको मङ्सिर १ देखि शुरू भएको दोस्रो संस्करणको एनपीएलको फाइनल खेल यही २७ गते हुनेछ । प्रतियोगितमा ८ वटा टोली सहभागी छन् ।
