गाेरखा । नेपाल प्रिमियर लिग (एनपिएल) मा आज भएकाे पहिलाे खेलमा उत्कृष्ट ब्याटिङ गर्दै चितवन राइनाेज बिरुद्ध जनकपुर बोल्ट्सले जित हात पारेकाे छ । जनकपुरले लगातार ४ खेलको जितविहीन यात्रालाई समाप्त आज पहिलो जित हात पारेको हाे ।
जनकपुरले चितवन राइनोजले दिएको १७७ रनको लक्ष्य १७.३ ओभरमा ४ विकेट गुमाएर पूरा गर्यो ।
पहिलो जितपछि जनकपुरले ५ खेलबाट २ अंक जोड्दै अंकको खाता खोलेको छ । जनकपुरले यो जितबाट प्लेअफको झिनो सम्भावना कायम राखेको छ ।
उता चितवनको भने ५ खेलमा यो तेस्रो हार बेहाेरेकाे हो । ५ खेलबाट ४ अंकसहित चितवन चौथो स्थानमा छ ।
अलराउण्डर माजले ६३ रन बनाए । माजले एनपीएलमा पहिलो अर्धशतक बनाउने क्रममा ३० बल खेल्दै ६ चौका र ४ छक्का प्रहार गरी ६३ रन जोडे । माजले २४ बलमै अर्धशतक प्रहार गरेका थिए ।
अघिल्लो खेलमा सुदूरपश्चिमविरुद्ध ड्रप भएका अनिल चितवन विरुद्ध प्लेइङ एघारमा फर्कँदै सानदार ब्याटिङ गरेका थिए । उनले ६१ रन बनाए ।
अनिलले पाँचौ खेलमा वान डाउनमा ब्याटिङ गर्दै ३६ बलमा ४ चौका र ३ छक्का प्रहार गरे ।
आदित्य महताले ७ बलमा २ चौका र १ छक्का मद्दतमा अविजित १८ रन जोडे ।
बलिङमा चितवनका सोहेल तनविर, कमलसिंह ऐरी र अमर सिंह राउटेलाले समान १-१ विकेट लिए ।
