गाेरखा । नेपाल प्रिमियर लिग (एनपीएल) क्रिकेटमा आज २ वटा खेल हुँदैछ । कीर्तिपुरको त्रिवि क्रिकेट रङ्गशालामा बिहान ११:१५ बजे पोखरा एभेन्जर्स र लुम्बिनी लायन्सकाे खेल हुने छ ।
३ खेलमा १ खेल जितेको पोखरा २ अङ्कसहित तालिकाको छैटौं स्थानमा छ । ४ खेलमा १ मात्रै खेल जितेको लुम्बिनी २ अङ्कसहित सातौं स्थानमा छ ।
यस्तै आजै दिउँसो ३:३० बजे सुदूरपश्चिम रोयल्स र जनकपुर बोल्ट्सबीच खेल हुनेछ । सुदूरपश्चिम यो प्रतियोगितामा अहिलेसम्म अपराजित रहेको छ ।
४ वटा खेल खेलेको सुदूरपश्चिम ८ अङ्कसहित तालिकाको शीर्ष स्थानमा छ । ३ खेलमा एउटा पनि खेल जित्न नसकेको साविक विजेता जनकपुर अङ्कविहीन हुँदै तालिकाको पुछारमा छ ।
यस्तै ८ अङ्कसहित विराटनगर दोश्रो, ६ अङ्कसहित काठमाण्डु तेश्रो, ४ अङ्कसहित चितवन चौथो र २ अङ्कसहित कर्णाली पाँचौ स्थानमा छ ।