गाेरखा । नेपाल प्रिमियर लिग (एनपीएल) मा आज पनि २ खेल हुँने छ । त्रिवि क्रिकेट रंगशालामा पहिलो खेल बिहान ११:४५ बजे चितवन राइनोज र काठमाण्डु गोर्खाजबीच हुनेछ भने दोस्रो खेल दिउँसो ४ बजे विराटनगर किंग्स र कर्णाली याक्सबीच हुने छ ।
काठमाण्डु गाेर्खाजले आज सिजनको पाँचौं खेल खेल्दैछ भने चितवन राइनोजको आजको खेल चौथो हो । दुवै टोलीले अहिलेसम्म २-२ खेल जितेका छन् ।
अंक तालिकामा पाँचौं स्थानमा रहेको कर्णाली याक्सले अहिलेसम्म ३ खेल खेल्दा १ खेलमा मात्र जित निकालेको छ । कर्णाली २ अंकसँगै तालिकाको पाँचौं स्थानमा छ ।
चितवन र काठमाण्डुबीचको आजको खेलको विजेताले प्लेअफको सम्भावना बलियो बनाउनेछ । दुवै टोलीको ४–४ अंक छ ।
दोस्रो खेलमा आज विराटनगर जितको लक्ष्य सहित मैदानमा जादै छ । लगातार ३ खेलमा जित निकालिसकेको विराटनगर यसअघि बुधवार चितवनसँग पराजित भएकाे थियाे ।
यस्तै कर्णालीले पहिलो खेलमा जित निकाल्दै उत्साहजनक शुरूवात गरेको थियो । तर त्यसपछि लगातार २ खेलमा हार बेहाेरेकाे थियाे । आजको खेलमा कर्णाली जित्ने लक्ष्य सहित मैदानमा उत्रदैछ ।