गाेरखा संग्रालय अबलाेकनपछी धादिङ तर्फ फर्कदै बिधार्थीहरु
गोरखा । गोरखा सदरमुकाममा रहेको गोरखा दरर्बार संग्रालयको अबलोकन गर्नेहरुको संख्या दिनदिनै बढदै गएको छ । गएको कार्तिक महिनामा मात्रै संग्रलायलको १८ हजारभन्दा बढीले अबलोकन गरेका छन् ।
यो आर्थिक बर्षको कार्तिक महिनामा १८ हजार ४५५ जनाले संग्रालयको अबलोकन गरेको संग्रालय प्रमुख जयनारायण कार्कीले बताए । ‘गत बर्षको यही महिनामाभन्दा अहिले बढी दर्शक आएको’ भन्दै प्रमुख कार्कीले ‘गत बर्षको सोही अबधीभन्दा अहिले करिब ३ हजार बढी आएका छन् ।’
संग्रालय प्रशासनले उपलब्ध गराएको तथ्यांक अनुसार यो बर्षको कार्तिक महिनामा नेपाली बिद्यार्थी १० हजार ३५६ जना, ७ हजार ६७५ जना नेपाली, २ जना सार्क र ४२२ जना तेस्रो देशका नागरिकहरुले संग्रालयको अबलोकन गरेका छन् ।
गत आर्थिक बर्ष ०८१–०८२ को कार्तिक महिनामा नेपाली ७ हजार ६२० जना नेपाली बिद्यार्थी, ७ हजार ४८२ जना नेपाली, ३ जना सार्क राष्ट्रका र ३५६ जना तेस्रो देशका नागरिकहरुले संग्रालयको अबलोकन गरेका थिए ।
गत बर्षको तुलनामा यो बर्षको सोही अवधीमा २ हजार ९९४ जना बढी मानिसहरुले संग्रालयको अबलोकन गरेको पनि संग्रालय प्रमुख कार्कीले जानकारी दिए ।
संग्रालय प्रशासनले दिएको जानकारी अनुसार यो आर्थिक बर्षको पहिलो महिना साउनमा कुल ७ हजार २४७ जना, भाद्रमा ४ हजार ६८५ जना, असोजमा ६ हजार ११९ जनाले संग्रलायको अवलोकन गरेको थियो ।
यो बर्षको पहिलो ४ महिनामा मात्रै कुल ३६ हजार ५०६ जनाले संग्रालयको अबलोकन गरीसकेको छ ।
संग्रालयको ईतिहासमा भने गएको बर्षको मंसिर महिनामा सबैभन्दा धेरै २१ हजार २०१ जनाले संग्रालयको अबलोकन गरेको थियो । यही रफ्तारले अबलोकन गर्नेहरुको संख्या बढदै गएको मंसिरमा २५ हजारभन्दा बढी अबलोकन गर्न सक्ने अनुमान संग्रालय प्रशासनले गरेको छ ।
संग्रालयले यो अवधिमा कुल ८ लाख ३० हजार २१० रुपैयाँ राजश्व संकलन गर्न सफल भएको लेखा शाखाले जानकारी दिएको छ ।
